Aktualitet

EMRAT+VD/ Parcela me kanabis në Krujë, arrestohen dy vëllezërit! Sekuestrohen lekë e armë

Në prangat e Policisë kanë rënë Artan Elezaj, Afmet Elezaj, Sokol Xaka, Përparim Kasa, ndërkohë në kërkim u shpallën Muharrem Xaka dhe Bilal Afmeti.

8 Tetor 2022, 11:02 Nga e.k
EMRAT+VD/ Parcela me kanabis në Krujë, arrestohen dy
Momenti i arrestimit

KRUJË- Katër persona kanë rënë në prangat e Policisë ndërkohë dy të tjerë janë shpallur në kërkim pas një operacioni anti-drogë të zhvilluar nga Policioa në Krujë.

Në prangat e Policisë kanë rënë Artan Elezaj, Afmet Elezaj (vëllezër), Sokol Xaka, Përparim Kasa dhe Gëzim Lloti, ndërkohë në kërkim u shpallën Muharrem Xaka dhe Bilal Afmeti.


Si rezultat i finalizimit të këtij operacioni sekuestrohen 5.3 kg kanabis të gatshme për shitje, si dhe janë evidentuar e asgjësuar gjatë periudhës hetimore, 1353 bimë kanabisi, të kultivuara në zona të pyllëzuara.

NJOFTIMI I POLICISË:

Finalizohet pas një hetimi disamujor, megaoperacioni policor antikanabis i koduar “Survey”, ndërsa në pranga kanë rënë 5 shtetas dhe janë shpallur në kërkim dy të tjerë.

Pas hekurave përfunduan shtetasit; A. E., 35 vjeç, A. E., 41 vjeç ( vëllezër), S. X., 24 vjeç, G. Ll., 36 vjeç dhe P. K., 47 vjeç.

Gjithashtu, u shpallën në kërkim shtetasit M. X., 26 vjeç (vëllai i shtetasit të arrestuar S. X.) dhe B. A., 37 vjeç. Si rezultat i finalizimit të këtij megaoperacioni sekuestrohen 5.3 kg kanabis të gatshme për shitje, si dhe janë evidentuar e asgjësuar gjatë periudhës hetimore, 1353 bimë kanabisi, të kultivuara në zona të pyllëzuara.

Vihen në pranga 5 shtetas për këtë veprimtari kriminale, si dhe shpallen në kërkim 2 bashkëpunëtorët e tyre. Sekuestrohen gjithashtu, 2 450 000 lekë, 4000 euro, 9 aparate celulare, 4 automjete dhe 1 armë gjahu. Shërbimet e Komisariatit të Policisë Krujë, si rezultat i kontrolleve të pandërprera të territorit, për evidentimin dhe goditjen e veprimtarisë kriminale të kultivimit të bimëve narkotike në zona të pyllëzuara, si dhe pas një pune të mirëfilltë hetimore disamujore, në bashkëpunim me Prokurorinë pranë Gjykatës së Rrethit Gjuqësor Krujë, kanë organizuar dhe finalizuar megaoperacioni policor antikanabis të koduar “Survey”, si rezultat i të cilit u vunë në pranga shtetasit:

-A. E., 35 vjeç, A. E., 41 vjeç ( vëllezër), S. X., 24 vjeç, G. Ll., 36 vjeç dhe P. K., 47 vjeç.

Gjithashtu, u shpallën në kërkim shtetasit M. X., 26 vjeç (vëllai i shtetasit të arrestuar S. X.) dhe B. A., 37 vjeç. Nga hetimet rezultoi se këta shtetas, në bashkëpunim me njëri-tjetrin, kanë kultivuar në kohë dhe në ambiente të hapura të ndryshme, 1353 bimë narkotike, në zona të pyllëzuara të fshatit Bruz Mal, të cilat janë evidentuar dhe asgjësuar përgjatë periudhës hetimore. Në vijim të kontrolleve në kuadër të operacionit “Survey”, në banesën e shtetasit të arrestuar G. Ll., u gjetën dhe u sekuestruan 5.3 kg lëndë e dyshuar narkotike kanabis e gatshme për shitje. Gjithashtu, u sekuestruan në cilësinë e provës materiale 2 450 000 lekë, 4000 euro, 9 aparate celulare, 4 automjete dhe 1 armë gjahu, të dyshuara të përfituara apo të përdorura për kryerjen e kësaj veprimtarie kriminale. Vijon puna për kapjen e shtetasve M. X. dhe B. A.

Materialet procedurale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme.

kruje policia e krujes perparim kasa sokol xaka afmet elezaj artan elezaj muharrem xaka bilal afmeti

Sondazh

Poll

MË SHUMË