Art&Argëtim

Shkenca thotë se stresi është ngjitës

Një studim nga Instituti Max Planck për Shkenca Njohëse dhe të Trurit zbuloi se edhe të qenit pranë një personi të stresuar, qoftë ai i dashur apo i huaj, ka fuqinë ta bëjë edhe personin tjetër të stresuar.

6 Tetor 2022, 12:52 Nga k.m.
Shkenca thotë se stresi është ngjitës
Foto ilustruese

SHBA- Shihni dikë që i hapet goja në metro dhe e dini se ka një probabilitet mjaft të madh që ju do të bëni të njëjtën gjë. Por një studim i ri thotë se ekziston një tjetër infektim që mund ta kapni vetëm përmes vëzhgimit të thjeshtë: Stresi.

Një studim nga Instituti Max Planck për Shkenca Njohëse dhe të Trurit zbuloi se edhe të qenit pranë një personi të stresuar, qoftë ai i dashur apo i huaj, ka fuqinë ta bëjë edhe personin tjetër të stresuar.

“Fakti që ne mund të matim këtë stres empatik në formën e një çlirimi të konsiderueshëm të hormoneve ishte befasues,” tha Veronika Engert, një nga autoret e studimit. Gjatë studimit, subjektet e testimit u çiftuan me të dashurit dhe të huajt e seksit të kundërt dhe më pas u ndanë në dy grupe.

Siç pritej, 95% e njerëzve të vendosur nën stres të drejtpërdrejtë treguan shenja të stresit. Por 26% e vëzhguesve kishin një rritje të kortizolit i cili vjen si rezultat i stresit empatik. Ndikimi i stresit ishte veçanërisht i lartë kur një subjekt vëzhgonte partnerin e tyre në një situatë stresuese (40%), ndërsa për të huajt shkonte deri në 10%./TIMES

stresi

Sondazh

Poll

MË SHUMË