Bota

Iran/ Teherani kërcënon të ndjekë penalisht personat e famshëm që mbështesin publikisht protestat

Aktorët, prezantuesit, regjisorët, sportistët dhe personazhet e famshëm në përgjithësi në Iran kërcënohen me ndjekje penale për mbështetjen e tyre publike ndaj protestave pas vdekjes së Mahsa Amini në duart e policisë së moralit.

29 Shtator 2022, 19:48 Nga s.s
Iran/ Teherani kërcënon të ndjekë penalisht personat e
Protesta në Iran

IRAN- Aktorët, prezantuesit, regjisorët, sportistët dhe personazhet e famshëm në përgjithësi në Iran kërcënohen me ndjekje penale për mbështetjen e tyre publike ndaj protestave pas vdekjes së Mahsa Amini nga policia. Televizioni shtetëror i Iranit raportoi se të paktën 41 protestues dhe policë janë vrarë që nga fillimi i protestave më 17 shtator, ndërsa OJQ-ja me bazë në Norvegji, Iran Human Rights, tha se të paktën 76 protestues ishin vrarë. Më shumë se 1500 protestues janë arrestuar, raporton CNN.

"Ne do të ndjekim penalisht personat e famshëm që ndezën "zjarrin" e protestave", tha guvernatori i provincës së Teheranit, Mohsen Mansouri. Të mërkurën, agjencia e lajmeve Mehr raportoi arrestimin e ish-prezantuesit të televizionit shtetëror Mahmud Sahriari me akuzën e "nxitjes së trazirave dhe solidaritetit me armikun". Disa sportistë të famshëm iranianë, si dhe aktorë dhe kineast kanë mbështetur hapur lëvizjen protestuese, duke kërkuar nga autoritetet që të dëgjojnë kërkesat e popullatës.

Regjisori dy herë fitues i Oskarit, Asghar Faradi, u bëri thirrje njerëzve në mbarë botën të dielën të "qëndrojnë në solidaritet" me protestuesit. Asghar Faradi na bën thirrje të gjithëve që të mbështesim gratë e Iranit

“U bëj thirrje të gjithë artistëve, kineastëve, intelektualëve, aktivistëve të të drejtave civile në mbarë botën, të gjithë ata që besojnë në dinjitetin dhe lirinë njerëzore, të shprehin solidaritetin e tyre me gratë dhe burrat e fortë dhe të guximshëm të Iranit përmes videove ose postimeve me shkrim apo në ndonjë mënyrë tjetër”, ka thënë ai në një video që ka postuar në Instagram.

Gjithashtu, ish-ylli i kombëtares së futbollit, Ali Karimi, ka postuar mesazhe të përsëritura në mbështetje të protestave në Instagram dhe Twitter. Në fillim të kësaj jave, futbollisti iranian Sardar Azmoun, i cili luan për klubin gjerman të futbollit Bayer Leverkusen, tha se nuk mund të rrinte i heshtur përballë vdekjeve të shumta të goditjes: “Nuk mund të fshihet nga ndërgjegjja jonë. Turp për ju”, ka shkruar ai.

Disa ditë më parë, gjithashtu edhe kreu i drejtësisë në Iran, Golamhossein Mohseni Ezei, sulmoi personazhet e famshëm.

“Ata që u bënë të famshëm duke përkrahur sistemin, në ditët e vështira, në vend që të ishin me popullin, iu bashkuan armikut. Të gjithë duhet ta dinë se duhet të paguajnë për dëmet materiale dhe shpirtërore që i janë shkaktuar njerëzve dhe vendit”, tha ai.

iran teheran protesta ne iran

Sondazh

Poll

MË SHUMË