Bota

Uragani Ian: Kuba pëson ndërprerje të plotë pas stuhisë, raportohen 2 të vdekur

Kuba është plotësisht pa energji pasi uragani Ian goditi skajin perëndimor të ishullit, ka njoftuar qeveria e saj. Sistemi elektrik po përjeton një kolaps total, thanë zyrtarët, pasi një nga termocentralet kryesore nuk punon. Dy persona u raportuan të vdekur dhe shumë ndërtesa u dëmtuan në mbarë vendin.

28 Shtator 2022, 08:15 Nga s.s
Uragani Ian: Kuba pëson ndërprerje të plotë pas
Kubë

KUBË- Uragani Ian preku tokën në Kubën perëndimore orët e para të mëngjesit me erëra që mbërrinin shpejtësinë 200 km në orë e duke përplasur mbi zonë shira të furishëm. Ian që po intensifikohet me shpejtësi u shndërrua në stuhi të kategorisë 3, teksa i është drejtuar Floridës, ku ka nisur tashmë evakuimi i banorëve të disa rajoneve bregdetare, të cilëve u është thënë të përgatiten “për një katastrofë të madhe”. Njerëzit kanë nxituar të bëhen gati për pasojat e uraganit, ku rradhë të gjata janë krijuar nëpër supermarkete.

Kuba është plotësisht pa energji pasi uragani Ian goditi skajin perëndimor të ishullit, ka njoftuar qeveria e saj. Sistemi elektrik po përjeton një kolaps total, thanë zyrtarët, pasi një nga termocentralet kryesore nuk punon. Dy persona u raportuan të vdekur dhe shumë ndërtesa u dëmtuan në mbarë vendin. Në televizionin shtetëror të Kubës të martën, kreu i autoritetit të energjisë elektrike njoftoi se një ndërprerje në të gjithë ishullin kishte ndodhur si rezultat i prishjes së sistemit elektrik kombëtar, duke lënë 11 milionë njerëz në errësirë, raporton BBC.

Një gazetar i një agjencie shtetërore të lajmeve raportoi se 100% e qarqeve elektrike në vend ishin jashtë shërbimit dhe se "centrali termoelektrik Antonio Guiteras nuk mund të sinkronizohej". Me qendër në Matanzas, 100 km në lindje të kryeqytetit Havana, Antonio Guiteras është centrali më i rëndësishëm energjetik në Kubë. Mbyllja e tij do të thotë se aktualisht nuk ka prodhim të energjisë elektrike askund në ishull. Një grua 43-vjeçare në provincë humbi jetën si pasojë e shembjes së mureve të shtëpisë së saj. Ndërsa, një fermer në qytetin San Juan y Martínez u godit nga rryma elektrike teksa përpiqej të mbyllte një rubinetën e ujit.

Shteti fqinj i Gjeorgjisë ka shpallur gjithashtu gjendjen e jashtëzakonshme dhe ka vendosur në gatishmëri 500 trupa të Gardës Kombëtare. Shtëpia e Bardhë ka bërë deklaratën e saj të urgjencës, e cila do të ndihmojë zyrtarët federalë dhe shtetërorë të bashkërendojnë ndihmën dhe ndihmën ndaj fatkeqësive. Presidenti Joe Biden ka biseduar me guvernatorin DeSantis, një republikan, të martën në mbrëmje dhe të dy u angazhuan për "koordinim të vazhdueshëm”.

uragan uragani ian kube

Sondazh

Poll

MË SHUMË