Bota

Partitë e djathta në Europë urojnë Giorgia Melonin për fitoren në Itali, mes tyre dhe Berisha

26 Shtator 2022, 11:25 Nga d.a.
Partitë e djathta në Europë urojnë Giorgia Melonin për
Meloni

ITALI- Dy politikanët e së djathtës franceze Eric Zemmour dhe Marine Le Pen kanë uruar Giorgia Melonin në Itali për fitoren e zgjedhjeve parlamentare. Zemmour tha se kjo tregon se marrja në pushtet e ekstremit të djathtë "është e mundur".

“Bravo për Giorgia Meloni dhe Matteo Salvini që i rezistuan kërcënimeve të Bashkimit Evropian antidemokratik dhe arrogant dhe fituan këtë fitore të madhe ”.-shkroi Le Pen.

Sipas Guardian, Jordan Bardella, një anëtar kryesor i Rassemblement National të ekstremit të djathtë shtoi se rezultati ishte "një mësim përulësie" për BE-në dhe foli për "kërcënimet" nga Ursula von der Leyen , presidentja e Komisionit Evropian.

Elysee nuk ka bërë ende asnjë koment. Presidenti francez Emmanuel Macron ishte i afërt me ish- kryeministrin italian Mario Draghi, gjë që do të thoshte se kishte marrëdhënie të ngushta diplomatike mes vendeve fqinje.

“Asnjë kërcënim i asnjë lloji nuk mund ta ndalë demokracinë: njerëzit e Evropës po ngrenë kokën dhe po marrin në dorë fatin e tyre”, shkroi Bardella në Twitter së bashku me emoji-t e flamurit francez dhe italian.

Ndërkohë nuk ka munguar dhe urimi i kryetarit të Partisë Demokratike në vendin tonë Sali Berisha i cili u shpreh se Georgia Meloni, Mateo Salvini, Silvio Berluskoni, aleatët tanë tradicionalë.

"Sot, Italia është në një moment historik. Meloni, sipas votës së qytetarëve italianë, do jetë kryeministrja reformatore e ardhshme e Italisë. Fitorja e zonjës Meloni dhe koalicionit që ajo udhëhoqi, është fitore e vlerave konservatore më të arrira të shoqërive të lira, fitore e lirisë, familjes, atdhetarisë dhe atdheut."-u shpreh Berisha.

Alternativa për Gjermaninë e ekstremit të djathtë (AfD) sapo ka lëshuar një deklaratë, në të cilën partia përgëzon Giorgia Meloni dhe partinë e saj Vëllezërit e Italisë.

"Ne si Alternativa für Deutschland urojmë Giorgia Meloni për zgjedhjen e saj dhe shpresojmë që ajo të jetë gruaja e parë në krye të një qeverie italiane. Pavarësisht nga të gjitha paralajmërimet jodemokratike nga presidentja e Komisionit të BE-së von der Leyen dhe politikanë të tjerë, italianët, ashtu si demokratët suedezë para tyre, kanë vendosur në favor të një ndryshimi politik. Dhe kjo është plotësisht e drejtë e tyre demokratike. Suksesi zgjedhor i Fratelli d'Italia është një fitore e mëtejshme për arsyen e shëndoshë. Gjermania, me koalicionin e saj të semaforit majtas-jeshile, po duket mjaft e vetmuar në Evropë për momentin.”- thuhet në njoftim.

Deklarata është nënshkruar nga Tino Chrupalla dhe Alice Weidel, bashkë-drejtuesit e partisë e cila u themelua në 2013 dhe hyri për herë të parë në parlamentin gjerman në 2017.

Qeveria polake ka mirëpritur lajmin se Vëllezërit e Italisë së Giorgia Melonit parashikohet të kenë fituar më shumë vende në zgjedhjet e përgjithshme italiane. Kryeministri Mateusz Morawiecki shkroi në Twitter urimet e tij për Melonin menjëherë pasi u publikuan exit poll-et.

Michal Wojcik, një ministër në kancelarinë e kryeministrit, gjithashtu nga Polonia e Bashkuar, shkroi: “[Presidentja e Komisionit Evropian] Von der Leyen, përfaqësuesi i forcave antidemokratike në BE pësoi një disfatë.

"E djathta fiton zgjedhjet në Itali! Anomalia në BE po merr fund. Sundimit të manipuluesve dhe të çmendurve në Komisionin Evropian dalëngadalë po i vjen fundi".-shkroi ai.

Ndërsa partia qeverisëse e Polonisë Ligj dhe Drejtësi nuk pajtohet me qëndrimin miqësor të Fidesz të Viktor Orban dhe Matteo Salvini ndaj Rusisë, është e lumtur ta lërë mënjanë këtë kur vjen puna për të sfiduar ata që promovojnë një axhendë liberale në Bruksel.

eric zemmour zgjedhjet ne itali marine le pen mateusz morawiecki

Sondazh

Poll

MË SHUMË