Bota

Lufta Ukrainë-Rusi/ Përmbledhje e ngjarjeve të 24 orëve të fundit

Sot shënon dita e 209 prej pushtimit rus ndaj Ukrainës. Ukraina tha se trupat e saj kanë marshuar më në lindje në territorin e braktisur së fundmi nga Rusia, duke i hapur rrugën një sulmi të mundshëm ndaj forcave pushtuese të Moskës në rajonin e Donbasit, ndërsa Kievi kërkon më shumë armë perëndimore.

20 Shtator 2022, 08:20 Nga s.s

Lufta Ukrainë-Rusi/ Përmbledhje e ngjarjeve të 24 orëve

Rusi-Ukrainë

UKRAINË- Sot shënon dita e 209 prej pushtimit rus ndaj Ukrainës. Ukraina tha se trupat e saj kanë marshuar më në lindje në territorin e braktisur së fundmi nga Rusia, duke i hapur rrugën një sulmi të mundshëm ndaj forcave pushtuese të Moskës në rajonin e Donbasit, ndërsa Kievi kërkon më shumë armë perëndimore.

Lufta-1- Forcat e armatosura të Ukrainës rimarrin kontrollin e fshatit Bilohorivka, duke u përgatitur për të rimarrë të gjithë provincën Luhansk nga pushtuesit rusë, tha guvernatori i provincës Serhiy Gaidai. Fshati është vetëm 10 km në perëndim të qytetit Lysychansk, i cili ra në duart e rusëve pas javësh betejash të rënda në korrik.

2- Rritja e aftësisë së sulmit me rreze të gjatë ukrainase kishte detyruar flotën ruse të Detit të Zi të zhvendoste disa nga nëndetëset e saj nga porti i Sevastopol në Krime në Novorossiysk në Krasnodor Krai në Rusinë jugore, tha ushtria britanike të martën, raporton Reuters.

3- Forcat ruse goditën termocentralin bërthamor Pivdennoukrainsk në rajonin jugor të Mykolaiv të Ukrainës, por reaktorët e tij nuk janë dëmtuar dhe po punojnë normalisht, tha kompania shtetërore bërthamore e Ukrainës Energoatom.

4- Presidenti ukrainas Volodymyr Zelensky tha se hetuesit kishin zbuluar prova të reja të torturës së përdorur kundër disa ushtarëve të varrosur pranë Izium, në rajonin verilindor të Kharkiv.

5- Kremlini hodhi poshtë pretendimet se forcat ruse kishin kryer krime lufte në rajonin e Kharkiv të Ukrainës si një "gënjeshtër". Moska rregullisht mohon kryerjen e mizorive në luftë ose sulmin e qëllimshëm ndaj civilëve.

Diplomaci- 1- Presidenti i SHBA Biden i kërkoi Presidentit rus Vladimir Putin të mos përdorë armë taktike bërthamore ose kimike në vazhdën e pengesave ushtarake ruse në Ukrainë.

2- Kryeministrja britanike Liz Truss tha se Mbretëria e Bashkuar vitin e ardhshëm do të përmbushë ose do të tejkalojë ndihmën ushtarake prej 2.3 miliardë paund të shpenzuar për Ukrainën në vitin 2022. Mbështetja ushtarake e Mbretërisë së Bashkuar ka të ngjarë të përfshijë pajisje të tilla si Sistemi i Raketave Multiple Launch, Truss' thuhet në një deklaratë të zyrës.

3- Gjermania do të furnizojë Ukrainën me katër tanke të tjera Panzer Howitzer 2000 së bashku me një paketë shtesë municioni, tha ministria e mbrojtjes. Ukraina i ka kërkuar Perëndimit të rrisë ndihmën ushtarake për ta ndihmuar atë të kthejë valën e betejës kundër Rusisë.

4- Zelensky ka lënë të kuptohet se do të përdorte një fjalim video në Asamblenë e Përgjithshme të Kombeve të Bashkuara të mërkurën për t'u bërë thirrje vendeve që të përshpejtojnë dërgesat e armëve dhe ndihmave.

5- "Okupatorët janë qartazi në panik", tha Zelensky në një fjalim televiziv të hënën vonë, duke shtuar se ai tani ishte i fokusuar në "shpejtësinë" në zonat e çliruara.

lufta ukraine-rusi ukraine rusi