Aktualitet

VD- Po transportonte 24 emigrantë të paligjshëm me furgon, në pranga 44-vjeçari nga Fieri

Personi me inicialet A. H., 44 vjeç, banues në Fier u vu në pranga në aksin rrugor Korçë-Pogradec, në afërsi të fshatit Leshnicë, duke transportuar me mjetin furgon tip "Fiat", në drejtim të Tiranës.

17 Shtator 2022, 14:31 Nga A.B
VD- Po transportonte 24 emigrantë të paligjshëm me furgon,
Momenti i ndalimit

KORÇË- Një 44-vjeçar është vënë në pranga nga policia pasi është kapur duke transportuar emigrantë të paligjshëm. Pas një hetimi 1-javor, policia goditi rastin e kalimit të 24 emigrantëve. Personi me inicialet A. H., 44 vjeç, banues në Fier u vu në pranga në aksin rrugor Korçë-Pogradec, në afërsi të fshatit Leshnicë, duke transportuar me mjetin furgon tip "Fiat", në drejtim të Tiranës. Ai do të hetohet për veprën penale "Ndihma për kalim të paligjshëm të kufijve".

NJOFTIMI:

DVP Korçë/Vijon operacioni policor "Perimetri 194". U kap duke transportuar 24 emigrantë të paligjshëm, kundrejt fitimit, vihet në pranga 44-vjeçari. Specialistët për Hetimin e Trafiqeve të Paligjshme dhe Narkotikëve në DVP Korçë, në bashkëpunim me Agjencinë e Mbikëqyrjes Policore, në vijim të operacionit policor "Perimetri 194", pas një hetimi 1-javor, kanë goditur një tjetër rast të aktivitetit kriminal në fushën e dhënies së ndihmës shtetasve të huaj për kalim të paligjshëm të kufirit, kundrejt shpërblimit. Si rezultat u bë kapja dhe arrestimi në flagrancë i shtetasit A. H., 44 vjeç, banues në Fier. Shërbimet e Policisë e kanë kapur këtë shtetas, në aksin rrugor Korçë-Pogradec, në afërsi të fshatit Leshnicë, duke transportuar me mjetin furgon tip "Fiat", në drejtim të Tiranës, 24 emigrantë të paligjshëm, të cilëve kundrejt shpërblimit iu kishte premtuar kalimin drejt vendeve të BE-së. Materialet i kaluan Prokurorisë pranë Gjykatës së Shkallës së Parë Korçë, për veprën penale "Ndihma për kalim të paligjshëm të kufijve".

arrestim ne korce

Sondazh

Poll

MË SHUMË