Bota

Kriza energjitike në Malin e Zi, Abazoviç: Do të propozojmë një plan të kursimit, gjithçka varet nga kushtet hidrologjike

Abazoviç shtoi se do të propozohet një plan kursimi të energjisë elektrike për administratën publike dhe bashkitë dhe se Mali i Zi, pavarësisht gjithçkaje, duhet të fillojë ndërtimin e objekteve energjetike.

14 Shtator 2022, 11:01 Nga d.a.
Kriza energjitike në Malin e Zi, Abazoviç: Do të
Abazovic

MAL I ZI- Kryeministri me mandatin teknik në Malin e Zi Dritan Abazoviç u shpreh se shkatërrimi i mjedisit në vend është pasojë e mungesës së sundimit të ligjit. Duke folur për energjinë, ai tregon se në Mal të Zi këtë vjeshtë gjithçka varet nga kushtet hidrologjike.

“Të gjithë po përpiqemi që vjeshta të jetë me shi, nëse vjeshta nuk është me shi do të gjejmë veten në probleme të theksuara. Nëse vjeshta është me shi, ndoshta EPCG mund të ketë fitim”, tha ai.

Sipas Vijestit, Abazoviç shtoi se do të propozohet një plan kursimi të energjisë elektrike për administratën publike dhe bashkitë dhe se Mali i Zi, pavarësisht gjithçkaje, duhet të fillojë ndërtimin e objekteve energjetike.

“Nuk duhet të presësh asnjë sekondë. Të jepen lejet e ndërtimit dhe të nisin projektet”, përfundoi kryeministri.

Abazovic tha se është kundër projekteve energjetike që kërcënojnë mjedisin. Ai ka theksuar se duhet të shfrytëzohen resurset ujore, por mendon se kjo nuk duhet të bëhet në Komarnicë.

“Ato projekte nuk do të bëhen sa të jetë kjo qeveri, nuk mund ta di se çfarë do të ndodhë për një vit, dy, tre vjet”.-vijo ai.

Abazoviç tha gjithashtu se si kryeministër është i përkushtuar për sundimin e ligjit, i cili lidhet drejtpërdrejt me ekologjinë.

“Shkatërrimi i mjedisit është pasojë e mungesës së shtetit ligjor. Kështu që ne vendosëm të hedhim baza të mira për Malin e Zi në drejtim të zhvillimit të sistemit të sundimit të ligjit, dhe rezultatet janë të dukshme dhe ka ende punë për të bërë, dhe si rezultat i zhvillimit të atij komponenti, mbrojtja e mjedisit jetësor. dhe burimet natyrore do të vijnë fillimisht dhe më pas do të krijohet një bazë e mirë mbi të cilën do të ndërtohet Mali i Zi ekologjik”, tha kryeministri.

Megjithatë, ai shton se jo të gjitha këto probleme mund të zgjidhen në një periudhë të shkurtër kohore. Kur bëhet fjalë për turizmin, ai shprehet se gjithnjë e më shumë po kërkojnë një mjedis të gjelbër dhe natyrë të pastër.

dritan abazoviç kriza energjitike ne mal te zi

Sondazh

Poll

MË SHUMË