Bota

Konsiderohet i pafat! Pse mbreti zgjodhi emrin Charles III dhe cila ishte historia e dy paraardhësve të tij

Ata mbretëruan në shekullin e 17-të.

9 Shtator 2022, 23:24 Nga DOSJA
Konsiderohet i pafat! Pse mbreti zgjodhi emrin Charles III dhe cila ishte
Charles III

BRITANI E MADHE- Charles III u ngjit në fron pas vdekjes së Mbretëreshës Elisabeth II. BBC shkruan se Charles zgjodhi të mbante këtë emër për shkak të dy paraardhësve të tij, Charles I dhe Charles II.

Këta të fundit mbretëruan në shekullin e 17-të. Cila ishte historia e tyr dhe pse ky emër konsiderohet i pafat?

Charles I u bë mbret i Anglisë, Skocisë, Irlandës dhe Francës në 27 mars 1625. Ai mbretëroi deri në vdekjen e tij kur i prenë kokën më 30 janar 1649. Fillimisht ai u angazhua në një luftë të ashpër për pushtet kundër Parlamentit anglez, i cili kundërshtoi me vendosmëri aspiratat e tij absolutiste që synonin të shtypnin përdorimin e Magna Carta (që u jepte liri dhe të drejta fisnikëve).

Kundër mbretit u ngritën forcat e Parlamentit dhe lufta përfundoi me një disfatë për Charles I. Ai u ekzekutua me akuzën e tradhtisë së lartë.

Charles II, djali i Charles I u vu në pushtet për ta rikthyer monarkinë, pas republikës së përkohshme që u krijua.

Charles II njihej edhe me emrin Merrie Monarch (monarku i lumtur). Ai njihet për lehtësimin e përgjithshëm pas përvojës së qeverisjes gjatë periudhës së republikës. Ai vdiq nga një goditje në tru në vitin 1685, në moshën 54-vjeçare. Ai kishte 12 fëmijë jashtëmartesor. Pavarësisht se ishte i martuar me Katerinën e Braganzës, ai nuk kishte fëmijë legjitimë dhe froni iu kalua vëllait të tij, Xhejmsit, pas vdekjes së papritur të Mbretit në vitin 1685. Vdekja e tij dyshohej për një kohë të gjatë si rezultat i helmimit, por më pas u raportua si goditje në tru.

Princi Charlie Bonnie, ishte gjithashtu i njohur për ata që mbështesnin pretendimin e tij si Charles III. Megjithatë, pas humbjes së tij në Betejën e Culloden në 1746, Princi kaloi pjesën tjetër të jetës së tij në Francë dhe Itali dhe nuk u ngjit kurrë në fron. 

mbreti charles iii

Sondazh

Poll

MË SHUMË