Aktualitet

Grabitet kryebashkiaku në Greqi! 4 shqiptarët lidhin familjen dhe u vënë armën në kokë, u marrin 30 mijë € 

Sipas përshkrimeve të bëra nga vetë familjarët, dy nga autorët mbanin kapuça që mbulonin të gjithë fytyrën, ndërsa dy të tjerët mbanin kapuça nga xhupet që kishin veshur, si dhe maska ​​mjekësore.

9 Shtator 2022, 22:06 Nga F.M
Grabitet kryebashkiaku në Greqi! 4 shqiptarët lidhin familjen dhe u
Shtëpia e kryebashkiakut

GREQI- Greqia është shokuar nga një grabitje e dhunshme që është regjistruar në Malia, ku pre ra familja e kryebashkiakut e biznesmeni i njohur në zonë Nikiforos Lambrinos. Lambrinos, gruaja dhe vajza e tij ndodheshin në banesë kur katër persona, të cilët dyshohet se janë shqiptarë, u futën brenda dhe i kërcënuan duke i vënë armën në kokë.

Sipas përshkrimeve të bëra nga vetë familjarët, dy nga autorët mbanin kapuça që mbulonin të gjithë fytyrën, ndërsa dy të tjerët mbanin kapuça nga xhupet që kishin veshur, si dhe maska ​​mjekësore. Fillimisht ata hynë në dhomën e 25-vjeçares Fotini, e cila u tërhoq zvarrë. Pikërisht, ukëriat e vajzës zgjuan çiftin Lambrinos. Edhe këta të fundit ranë në duart e grabitësve.

Të tre anëtarët e familjes u lidhën me çarçafë dhe iu mbyllën gojën në mënyrë që procesi i vjedhjes të vijonte pa ‘zhurmë’.

Nga bisedat që autorët kanë bërë me njëri-tjetrin, familja e kryebashkiakut rrëfen se dyshohet se ata janë shqiptarë. Në total, katër hajdutët kanë arritur të marrin mbi 30 mijë euro, para kesh dhe bizhuteri. Tashmë hetimet kanë nisur dhe kamerat e sigurisë që ka shtëpia e zyrtarit janë çelësi për të zbardhur ngjarjen.

grabitje ne greqi greqi

Sondazh

Poll

MË SHUMË