Bota

HAP pas HAPI/ 10 ditë ZI! Cili është protokolli që do ndiqet deri në varrimin e Mbretëreshës Elizabeta II, 6 miliardë £ kosto

Procedura që ofron udhëzime për vazhdimësinë është koduar me emrin “Operacioni London Bridge”. Dita e shuarjes së saj është quajtur D Day, ndërsa çdo ditë pasuese cilësohet si D+1, D+2 e kështu me radhë.

9 Shtator 2022, 15:45 Nga F.M
HAP pas HAPI/ 10 ditë ZI! Cili është protokolli që do ndiqet
Ceremonia

BRITANI E MADHE- Dhjetë ditë zie e presin Britaninë e Madhe pas vdekjes së Mbretëreshës Elisabetë II. Flamujt janë vendosur në gjysmështizë jashtë Pallatit Buckingham, ndërsa jashtë është mbledhur turma që ka pritur Mbretin Charles. Procedura që ofron udhëzime për vazhdimësinë është koduar me emrin “Operacioni London Bridge”. Dita e shuarjes së saj është quajtur D Day, ndërsa çdo ditë pasuese cilësohet si D+1, D+2 e kështu me radhë.

Dita D

Qindra zyrtarë qeveritarë, përfshirë kryeministrin dhe ministra të lartë, morën pjesë në ceremoni të veshur me fustane dhe kostume të zeza dhe kravata të errëta. Çdo bizhuteri apo element dekorativ është rreptësisht i ndaluar. Më pas u lexua shpallja e transferimit të kurorës, duke miratuar zyrtarisht ngjitjen në fron të mbretit Charles III. Në mesditë, kryeministrja Liz Truss dhe i gjithë kabineti i saj takuan mbretin e ri. Në të njëjtën kohë, Parlamenti Britanik u mblodh për të rënë dakord për hartimin e mesazhit zyrtar të ngushëllimit nga trupi parlamentar. Me përfundimin e seancës së lamtumirës, ​​pjesa tjetër e punimeve të Kuvendit do të pezullohet për dhjetë ditë të tëra, pavarësisht çështjeve urgjente që pritej të pushtonin organin për shkak të zhvillimeve të fundit politike.

D-Dita 1

Nesër të shtunën në orën 10 të mëngjesit me orwn e Mbretërisë së Bashkuar, i ashtuquajturi 'Këshilli i Anëtarësimit', organi përgjegjës për transferimin e monarkisë, do të mblidhet në Pallatin e St. James për të shpallur mbretin Charles si monarkun e ri të Mbretërisë së Bashkuar. Për periudhën e ardhshme do të lejohen vetëm leximet e nekrologjive të deputetëve në kujtim të Elizabetës.

D-Day 2 deri D-Day 5

Karroca e arkivolit dhe turneu i Charles. Në ditën e tretë pas vdekjes së mbretëreshës, aktivizohet i ashtuquajturi operacioni "Unicorn", pra kthimi i arkivolit në Pallatin Buckingham nga Skocia. Të dielën në mëngjes, trupi i saj do të transportohet me tren mbretëror (vetëm nëse kushtet e motit nuk e lejojnë, do të transportohet me avion). Kryeministrja dhe ministrat pritet të marrin pjesë në një tjetër pritje speciale për të mirëpritur arkivolin mbretëror në Londër. Në D-Dita 3 , Mbreti Charles do të marrë propozimin e ngushëllimit të hartuar nga Parlamenti Britanik në Westminster Hall. Disa orë më vonë, ai fillon turneun e tij zyrtar në Mbretërinë e Bashkuar, me vizitën e tij hapëse në Parlamentin Skocez.

Një meshë përkujtimore do të vijojë në Katedralen e St. Giles në Edinburg.

Dita e katërt (D-Day 4) fillon me mbërritjen e mbretit Charles në Irlandën e Veriut, ku ai do të marrë pjesë në një shërbim në Katedralen e Shën Anës në Belfast. Në të njëjtën kohë, në Londër dhe në prani të forcave policore do të nisin provat për operacionin “Luani”. Pra, dërgimi i arkivolit nga Pallati Buckingham në Pallatin e Westminsterit.

Ditën e pestë pas vdekjes së Elizabeth, do të zhvillohet procesioni zyrtar i trupit për në pallat. Pas mbërritjes së arkivoli , një shërbim tjetër do të pasojë në Westminster Hall.

D-Dita 6 deri D-Dita 10

Për tre ditë, trupi i Elizabeth në arkivolin mbretëror do të ekspozohet në Sallën e Madhe të Westminster. Pallati do të qëndrojë i hapur për vizitat e publikut për 23 orë në ditë, pasi pritet që në pelegrinazhin popullor të marrin pjesë dhjetëra mijëra qytetarë.

Mbreti Charles do të përfundojë turneun e tij duke udhëtuar në Uells për të dhënë një mesazh të mëtejshëm ngushëllimi në Parlamentin e Uellsit dhe për të marrë pjesë në një shërbim në Katedralen Qendrore të Cardiffit . Ndërkohë, Ministria e Jashtme po përpiqet të koordinojë ardhjen e krerëve të shtetit dhe personaliteteve  nga jashtë për varrimin e saj, i cili pritet të bëhet të hënën, më 19 shtator. 

Vetëm në ditën e funeralit, humbja e PBB-së së vendit për shkak të paralizës më të gjerë të shtetit dhe qeverisë pritet të arrijë deri në 6 miliardë £- pa llogaritur kostot e tepruara të vetë ceremonisë. Pas një periudhe zie dhjetëditore, e diela e ardhshme (18 shtator) do të shënojë fundin e protokollit kompleks.

Funerali shtetëror i mbretëreshës më jetëgjatë në historinë botërore do të bëhet në Westminster Abbey. Në orën 12:00 me orën e Mbretërisë së Bashkuar, pas përfundimit të shërbimit, do të mbahet dy minuta heshtje në të gjithë vendin. Hapi i fundit i protokollit mbretëror do të pasojë me dy procesione ceremoniale në Londër dhe Windsor.

Pas ceremonisë mbretërore të kortezhit mortor, në kapelën e Shën Gjergjit në Kështjellën Windsor, trupi i Mbretëreshës do të varroset në Memorialin mbresëlënës të Mbretit George VI. Trupi i monarkes më jetëgjatë në historinë e vendit do të prehet pranë të parëve të saj dhe në krah të bashkëshortit të saj shumë të dashur, Filipit.

vdes mbreteresha elisabeth ii

Sondazh

Poll

MË SHUMË