Politike

VD-Debate në Kuvend/ Manja: Shko lahu tek pishinat e Irfanit! Açka: Vetëm dashnoret nuk ju nxorrën

Deputetja Flutura Açka pas fjalës së ministrit Manja ka kërkuar ndjesë për ndërhyrjen nga vendi teksa i kujtoi socialistëve se punëtorët që folën aty vetëm dashnorët e tyre nuk treguan.

8 Shtator 2022, 16:10 Nga e.k
VD-Debate në Kuvend/ Manja: Shko lahu tek pishinat e Irfanit! Açka:
Flutra Açka dhe Ulsi Manja

TIRANË- Seanca e sotme në Kuvend është përfshirë nga debate të forta teksa u diskutua paketa e dytë e ndihmës e akorduar nga qeveria për të përballuar krizën energjitike. Ministri Manja mori fjalën për të mbrojtur paketën e energjisë ku nuk munguan as ofendimet. 

Në momentin që Ulsi Manja po fliste, deputetja Flutura Açka ka ndërhyrë. I menjëhershëm ishte reagimi i i ministrit të Drejtësisë teksa iu drejtua me fjalë fyese: Shko lahu tek pishinat e Irfanit, duke iu referuar denoncimit të bërë nga deputetja e PD gjatë shembjeve të kryera në "Prestige Resort". Manja tha se deri në vitin 2013 Shqipëria njihej si republika e gjeneratorëve ndërsa sot qeveria po e përballon në mënyrë të shkëlqyer krizën. 

Deputetja Flutura Açka pas fjalës së ministrit Manja ka kërkuar ndjesë për ndërhyrjen nga vendi teksa i kujtoi socialistëve se punëtorët që folën aty vetëm dashnorët e tyre nuk treguan.

DEBATI:

Ulsi Manja: Bëhuni serioz

Flet Flutura Açka nga vendi( nuk dëgjohet)

Ulsi Manja: Shko tek Irfani lahu në pishinë.

Ulsi Manja: Shqipëria deri në vitin 2013 quhej republika e gjeneratorëve. Dhe spitalet punonin me gjenerator. Mos dilni këtu dhe të bëni ekspertin kur qeveria po e menaxhon krizën në mënyrë të shkëlqyer. Rrini në Republikën e gjeneratorëve.

Flutura Açka: Kërkoj ndjesë që ndërhyra nga vendi. Kur deputetja Jorida Tabaku foli kryeministri e ka bullizuar deputeten. Ka mundësi t'i bëni vërenjtje. Unë prap kërkoj ndjesë që fola nga vendi. Mos më përmendni mua pishinat, se folën punëtorët vetëm dashnorët tuaja nuk  treguan. 

ulsi manja flutura acka

Sondazh

Poll

MË SHUMË