Art&Argëtim

Julia Roberts bën rrëfimin: George Clooney dhe familja e tij më shpëtuan nga vetmia e dëshpërimi

Në një intervistë të përbashkët në "New York Times" për filmin e ri, aktorja fituese e çmimit 'Oscar' tha se gjatë xhirimeve ajo jetonte vetëm në një shtëpi, ndërsa Clooney, gruaja e tij Amal dhe fëmijët e tyre, jetonin sipër.

6 Shtator 2022, 16:14 Nga k.m.
Julia Roberts bën rrëfimin: George Clooney dhe familja e tij më
George Clooney

SHBA- Julia Roberts dhe George Clooney do ribashkohen profesionalisht në filmin e ardhshëm ' Ticket to Paradise', i cili u filmua në Australi.

Dy aktorët janë miq prej shumë vitesh dhe Roberts në një intervistë të fundit ka treguar se si familja Clooney e ka shpëtuar nga vetmia dhe dëshpërimi. Në një intervistë të përbashkët në "New York Times" për filmin e ri, aktorja fituese e çmimit 'Oscar' tha se gjatë xhirimeve ajo jetonte vetëm në një shtëpi, ndërsa Clooney, gruaja e tij Amal dhe fëmijët e tyre, jetonin sipër.

“Ne filmuam në ishullin Hamilton, me gjithë këta zogj të egër dhe Julia kishte shtëpinë poshtë nesh. Unë dilja herët në mëngjes dhe e thërrisja “Caa-caa” dhe Julia përgjigjej,”- tha Clooney, ndërsa theksonte se fëmijët e tij e thërrisnin teze.

Roberts shtoi se gjatë periudhës së xhirimeve nuk u përball mirë me vetminë e saj dhe ndihej shumë herë e trishtuar: "Clooneys" më shpëtuan nga vetmia dhe dëshpërimi. Është koha më e gjatë që kam qenë larg familjes sime. Nuk mendoj se kam kaluar kaq shumë kohë vetëm që kur isha 25 vjeç”.

"Bileta për në Parajsë" pësoi vonesa të prodhimit në fillim të 2022 pasi rastet e koronavirusit u shtuan në Australi. Filmi, i drejtuar nga Al Parker, përqendrohet në dy prindër të divorcuar (Roberts dhe Clooney) të cilët udhëtojnë në Bali për të parandaluar vajzën e tyre të bëjë të njëjtin gabim që bënë 25 vjet më parë. Filmi do të dalë në kinema më 21 tetor. George Clooney është martuar me avokaten Amal, me të cilën ka dy fëmijë.

george clooney julia roberts

Sondazh

Poll

MË SHUMË