Bota

Krijimi i qeverisë së re në Malin e Zi/ Flet Abazoviç: Le ta krijojnë ata që e rrëzuan

Për shkak të vizitës së tij zyrtare në Beograd, Abazoviç nuk do të jetë i pranishëm në takim, por një përfaqësues tjetër nga partia e tij.

1 Shtator 2022, 20:18 Nga e.k
Krijimi i qeverisë së re në Malin e Zi/ Flet Abazoviç: Le
Dritan Abazoviç

MALI I ZI- Në mbledhjen e nesërme të shumicës parlamentare nga gushti do të marrë pjesë edhe një nga përfaqësuesit e GP URA-s. Kështu e ka bërë të ditur kryetari i kësaj partie dhe kryeministri në largim, Dritan Abazoviç, duke shtuar se do të ishte logjike që ata që rrëzuan qeverinë të formojnë një të re.

Për shkak të vizitës së tij zyrtare në Beograd, Abazoviç nuk do të jetë i pranishëm në takim, por një përfaqësues tjetër nga partia e tij.

“Do të ishte logjike që ata që e rrëzuan qeverinë ta rikrijonin”, tha Abazoviç dhe shtoi se nuk e pranon tezën se qeveria është rrëzuar pa plan. Ai thotë gjithashtu se URA, pavarësisht gjithçkaje, qëndron për dialog. 

“Por dua të theksoj se sa i përket GP URA-s, sa e rëndësishme është që të ulemi së bashku dhe të shohim nëse qeveria do të vazhdojë dhe në çfarë mandati, apo nëse do të ketë një qeveri të re, është po aq e rëndësishme të pajtohemi për datën e zgjedhjeve të jashtëzakonshme parlamentare, si dhe rreth Gjykatës Kushtetuese dhe Këshillit Gjyqësor. Le të krijojmë kushtet për ato zgjedhje”, tha Abazoviq para gazetarëve në Beograd.

Ai tha se qëndrimi i GP URA është i qartë.

“Për ne është e logjikshme dhe e natyrshme që ata që rrëzuan qeverinë të formojnë një të re. DPS me ato parti me të cilat zgjodhi të rrëzojë qeverinë duhet të formojë një qeveri të re. Nuk ka asgjë të keqe në këtë”, tha Abazoviç shkruan rtcg.

I pyetur nëse ka mundësi që demokratët, DF dhe URA të arrijnë një marrëveshje, ai tha se ka dhe se nuk përjashton asgjë.

"Përkundrazi, ne duhet të sillemi me përgjegjësi. Por ne nuk mund të sillemi me përgjegjësi kur i ftojmë në bisedime për rindërtimin e kabinetit pak orë para votimit të mosbesimit ndaj qeverisë, njëra palë nuk dëshiron të marrë pjesë. Si mund t'i rivendosim marrëdhëniet nëse nesër zëvendësohet kryetari i Kuvendit? Qytetarët duhet ta dinë se na pret një vjeshtë e vështirë,”-shtoi ai. 

Abazoviç u shkarkua nga detyra e kryeministrit me datë 20 gusht. Kuvendi i Malit të Zi  ka votuar mosbesimin e qeverisë së Dritan Abazoviqit me votat e 50 deputetëve pas 12 orëve diskutime të forta në Kuvend. Abazoviç nuk i "mbijetoi" mocionit edhe pse ofroi një marrëveshje për partitë opozitare që përfshinte rikonstruktimin e qeverisë. Marrëveshja me Kishën Serbe është dhe "molla e sherrit" mes tij dhe partisë së presidentit Gjukanaviç. 

dritan abazoviç

Sondazh

Poll

MË SHUMË