Bota

Clinton mbron kryeministren finlandeze, publikon foton e saj: U ftova si Sekretare Shteti, por kërceva

Clinton thotë se atë mbrëmje ndodhej në Kartagjenë si Sekretare Shteti, por u dëfrye gjithashtu.

28 Gusht 2022, 21:09 Nga F.M
Clinton mbron kryeministren finlandeze, publikon foton e saj: U ftova si
Hilary Clinton

SHBA- Ish-sekretarja e shtetit, Hilary Clinton, i ka dalë në mbrojtje kryeministres finlandeze Sanna Marin, e cila është në vëmendje të të gjitha mediabe, pas publikimit të videove ku shihej duke kërcyer në festa të ndryshme. Në një postim në rrjetet sociale, Clinton ka ndarë një foto ku shihet duke kërcyer në një mbrëmje. Clinton thotë se atë mbrëmje ndodhej në Kartagjenë si Sekretare Shteti, por u dëfrye gjithashtu.

“Siç ka thënë Ann Richards, “Ginger Rogers bëri gjithçka që bëri Fred Astaire. Ajo e bëri atë vetëm mbrapsht dhe me taka të larta”. Këtu jam unë në Kartagjenë ndërsa isha atje për një takim si Sekretare e Shtetit. Vazhdoni të kërceni, Sanna Marin,”- ka shkruar Clinton.

Postimin e Clinton e ka shpërndarë vetë kryeministrja Marin, e cila e ka falënderuar ish-kandidaten për presidente të SHBA-së për mbështetjen e dhënë.

Marin prej javësh u vu në qendër të mediave pasi shfaqej duke u dëfryer në shumë festa. Kërcimet e saj provokuese mbushën rrjetet sociale. Vetë Marin kërkoi falje me lot në sy dhe tha se përveçse kryeministre, ajo është një vajzë që kërkon të shijojë edhe gjëra të tjera nga jeta.

hilary clinton sanna marin

Sondazh

Poll

MË SHUMË