Aktualitet

Plagosja për lopën në Kurbin, Policia: I plagosuri është transportuar në spital

I plagosuri ndodhet në spital, ndërkohë që autori është arrestuar dhe shoqëruar në polici.

24 Gusht 2022, 21:08 Nga I.A

KURBIN- Policia ka nxjerr njoftimin në lidhje me plagosjen e sotme në fshatin Gjormë të Kurbinit. Bëhet me dije se ngjarja ka nisur për një sherr banal, rreth orës 20:15. Autori i ngjarjes Met Lika ka qëlluar mbi fqinjin e tij, Rasim Tafën, pasi një lopë e këtij të fundit kishte hyrë në tokën e tij. I plagosuri ndodhet në spital, ndërkohë që autori është arrestuar dhe shoqëruar në polici.

Njoftimi i policisë:

Kurbin / Plagosi me armë zjarri për motive të dobëta një 53-vjeçar, falë reagimit në kohë të Policisë kapet dhe vihet në pranga autori i dyshuar. Në fshatin Gjormë, Kurbin, rreth orës 20:15, shtetasi M. L., 41 vjeç, banues po në këtë fshat, dyshohet se gjatë një konflikti të çastit për motive të dobëta, me bashkëfshatarin e tij, shtetasin R. T. 53 vjeç, e ka plagosur me armë zjarri 53-vjeçarin, i cili është dërguar në spital, për ndihmë mjekësore.

Falë reagimit në kohë, veprimeve të shpejta dhe profesionale policore, është kapur dhe shoqëruar në ambientet e Komisariatit të Policisë Kurbin, për veprime të mëtejshme procedurale, autori i dyshuar i plagosjes, shtetasi M. L. Grupi hetimor, nën drejtimin e Prokurorisë së Rrethit Gjyqësor Kurbin, ndodhet në vendin e ngjarjes dhe vijon veprimet hetimore për zbardhjen e plotë të rrethanave të ngjarjes dhe dokumentinin ligjor të saj.

plagosje ne kurbin met lika rasim tafa