Bota

Përgatitet takimi Kurti-Vuçiç në Berlin, ambasada gjermane: Scholz do që dialogu të ecë përpara

Aty thuhet se Gjermania mirëpret marrëveshjen për vazhdimin e bisedimeve të arritura nga Vuçiç dhe Kurti në Bruksel javën e kaluar.

22 Gusht 2022, 19:16 Nga I.A
Përgatitet takimi Kurti-Vuçiç në Berlin, ambasada
Aleksandar Vuçiç, Albin Kurti dhe Plaf Scholz

BERLIN- Ambasada e Gjermanisë në Prishtinë tha të hënën se kancelari Olaf Scholz po planifikon të ftojë presidentin serb Aleksandar Vuçiç dhe kryeministrin e Kosovës Albin Kurti në Berlin. N1 shkruan se një deklaratë për shtyp tha se Scholz filloi përgatitjet për takimin si pjesë e Procesit të Berlinit për të ndihmuar në çuarjen përpara të dialogut. Aty thuhet se Gjermania mirëpret marrëveshjen për vazhdimin e bisedimeve të arritura nga Vuçiç dhe Kurti në Bruksel javën e kaluar.

Të dërguarit e Bashkimit Evropian dhe SHBA-së për Kosovën, Miroslav Lajçak dhe Gabriel Escobar do të vizitojnë Prishtinën dhe Beogradin këtë javë, tha Radio Evropa e Lirë duke cituar burime diplomatike të paidentifikuara, të cilët thanë se duan të gjejnë një zgjidhje për dokumentet e hyrjes për shtetasit serbë që hyjnë në Kosovë.

Në njoftimin për shtyp thuhet se është e rëndësishme që të dyja palët të angazhohen në mënyrë konstruktive për të gjetur një zgjidhje të qëndrueshme dhe paralajmëroi se përshkallëzimi dhe protestat e dhunshme nuk i sjellin dobi askujt. Ai tha se nevojitet një marrëveshje gjithëpërfshirëse dhe e qëndrueshme për të zhbllokuar perspektivat evropiane të të dy palëve dhe për të kontribuar në sigurinë rajonale.

olaf scholz aleksandar vuçiç albin kurti

Sondazh

Poll

MË SHUMË