Bota

Vrasja e vajzës së këshilltarit të tij të ngushtë, reagon Putin: Një krim i shëmtuar dhe mizor

Daria Dugina, po ngiste një Toyota Land Cruiser të dielën kur automjeti shpërtheu. Autoritetet në Rusi kanë nisur një hetim penal. Ajo ishte e bija e Aleksandër Duginit, i cili shpesh quhet "truri i Putinit". 

22 Gusht 2022, 18:14 Nga e.k
Vrasja e vajzës së këshilltarit të tij të ngushtë,
Vladimir Putin

RUSI- Presidenti rus Vladimir Putin ka reagur për herë të parë për vrasjen e komentatores politike Darya Dugina , vajzës së aleatit të tij të ngushtë duke e quajtur një sulm të neveritshëm dhe mizor.

"Një krim i poshtër dhe mizor" që theu jetën e një personi të shkëlqyer dhe të talentuar, një zemër të vërtetë ruse, të sjellshëm, të dashur, të kuptueshëm dhe të hapur. Ajo i tregoi atdheut të saj me fakte se çfarë do të thotë të jesh patriot i Rusisë", kështu ka shkruar presidenti Vladimir Putin, i cituar nga kanali në Telegram i Kremlinit në një mesazh ngushëllimi për vrasjen e Duignas.

Daria Dugina, po ngiste një Toyota Land Cruiser të dielën kur automjeti shpërtheu. Autoritetet në Rusi kanë nisur një hetim penal. Ajo ishte e bija e Aleksandër Duginit, i cili shpesh quhet "truri i Putinit". Dugin është një intelektual i shquar nacionalist rus, vizioni i të cilit për një perandori të ringjallur ruse erdhi për të ndikuar në luftën e Putinit në Ukrainën fqinje. Dugin u vendos në listat e sanksioneve perëndimore si një përkrahës kryesor i aneksimit të detyruar të Krimesë nga Ukraina nga Kremlini në 2014. Ai gjithashtu mbështeti vendimet e Rusisë për të dërguar trupa në Ukrainë në fillim të këtij viti.

vladimir putin rusi darya dugina

Sondazh

Poll

MË SHUMË