Aktualitet

Vrasja në Mirditë/ Qëlloi gruan teksa po pastronte armën, 61-vjeçari e kishte pa leje pistoletën

Ngjarja e djeshme u raportua nga policia si aksidentale, duke thënë se 61-vjeçari ishte duke e pastruar armën e pa dashur qëlloi ndaj të shoqes.

22 Gusht 2022, 09:32 Nga A.B
Vrasja në Mirditë/ Qëlloi gruan teksa po pastronte armën,
Vitore Pacuku

MIRDITË- Arma e zjarrit tip pistoletë me të cilën u qëllua ditën e djeshme për vdekje Vitore Pacuku ishte pa leje. Ndaj autorit, Paulin Pacukut pritet që të ngrihen akuza për vrasjen dhe për armën që e mbante pa asnjë dokument përkatës. Ngjarja e djeshme u raportua nga policia si aksidentale, duke thënë se 61-vjeçari ishte duke e pastruar armën e pa dashur qëlloi ndaj të shoqes.

54-vjeçarja u transportua menjëherë në spital për ndihmë mjekësore, nga të afërmit e saj. Me të mbërritur në Spitalin e Mirditës, gruaja ka humbur jetën për shkak të plagëve të marra në organet jetësore. Ndërkohë, Paulin Pacaku është shoqëruar në ambientet e Komisariatit të Policisë Mirditë, për veprime të mëtejshme procedurale.

Ngjarja e rëndë ndodhi ditën e djeshme në fshatin Jezull të Mirditës. Familjarët e Vitore Pacakut pretendojnë se ngjarja nuk ka ndodhur aksidentalisht por me dashje. Banorët e zonës kanë treguar se autori njihej si person problematik.

burri vret gruan ne mirdite vitore pacuku paulin pacuku

Sondazh

Poll

MË SHUMË