Politike

Bajram Begaj zhvillon vizitën e parë jashtë vendit si president, të hënën shkon në Kosovë

Të hënën me 15 gusht, Begaj do të zhvillojë takim me kryetarin e Kuvendit, Glauk Konjufca.

12 Gusht 2022, 16:32 Nga F.M
Bajram Begaj zhvillon vizitën e parë jashtë vendit si president,
Bajram Begaj

KOSOVË- Presidenti i Shqipërisë Bajram Begaj do të nisë vizitën e parë jashtë vendit me Kosovën. Lajmi është bërë me dije nga zyra e shtypit të Kuvendit të Kosovës. Në njoftim bëhet me dije se të hënën me 15 gusht, Begaj do të zhvillojë takim me kryetarin e Kuvendit, Glauk Konjufca.

“Agjenda e kryetarit Glauk Konjufca, për të hënën, 15 gusht 2022. Kryetari i Kuvendit të Republikës së Kosovës, Glauk Konjufca, pret në takim presidentin e Republikës së Shqipërisë, Bajram Begaj. Media do të lejohen të marrin vetëm pamje në fillim të takimit,”- thuhet në njoftim.

Ish-gjeneralmajori ishte propozim i Partisë Socialiste dhe mori besimin e shumicës së deputetëve në Kuvend për të qenë Presidenti i ri i Republikës së Shqipërisë së seancën parlamentare të 4 qershorit 2022 me 78 vota pro, 4 kundër dhe 1 abstenim.

bajram begaj

Sondazh

Poll

MË SHUMË