Aktualitet

Urbani u shkrumbua nga flakët, PD: Këmbanë alarmi, qytetarët udhëtojnë në kushte skandaloze

Sipas tij, ky zjarri duhet të jetë një kambanë alarmi që të mos rrezikohen më jetët e qytetarëve.

8 Gusht 2022, 00:10 Nga F.M
Urbani u shkrumbua nga flakët, PD: Këmbanë alarmi, qytetarët
Urbani i djegur

DURRËS- Kreu i Partisë Demokratike në Durrës, Igli Cara ka reaguar në lidhje me autobusin e linjës Durrës-Porto Romano që u përfshi nga flakët paraditen e sotme. Në një postim në Facebook, Cara shkruan se transporti publik në Durrës është në gjendje skandaloze. Sipas tij, ky zjarri duhet të jetë një kambanë alarmi që të mos rrezikohen më jetët e qytetarëve.

“Më e rëndësishmja është që këto pamje tronditëse janë shoqëruar vetëm me dëme materiale, pa humbje të jetëve njerëzore. Por, në të njëjtën kohë janë një këmbanë alarmi mbi gjendjen e transportit publik në Durrës. Shkrumbimi i autobuzit të linjës Durrës-Porto Romano është vetëm një episod i përditshmërisë së mijëra qytetarëve që udhëtojnë në kushte skandaloze, duke rrezikuar jetët e tyre. Transporti publik është përgjegjësi e drejtpërdrejtë e Bashkisë Durrës, që duhet t'i shërbejë qytetarëve dhe jo t'i sfidojë ata! Për të mos u shndërruar në "kronikën e një vdekjeje të paralajmëruar" duhet që situata të ndryshojë kryekëput menjëherë! Nesër do të jetë vonë,”- shkruan Cara.

Urbani u përfshi nga flakët dhe u shkrumbua tërësisht. Nga ngkarja nuk pat iasnjë udhëtar të lënduar.

zjarr ne durres digjet urbani ne durres

Sondazh

Poll

MË SHUMË