Bota

Iphone 14/ Pritet lançimi i 'smartphone-it' nga Apple, cilat janë veçoritë e reja

Apple do të lançojë një variant të ri Max, i pozicionuar midis atij standardi dhe modelit iPhone 14 Pro.

5 Gusht 2022, 22:18 Nga I.A

Iphone 14/ Pritet lançimi i 'smartphone-it' nga Apple, cilat

Iplone 14

SHBA- Apple pritet të lançojë serinë iPhone 14 në shtator. Çmimi fillestar i serisë pritet të jetë i njëjtë me serinë iPhone 13. Megjithatë, Apple nuk ka bërë asnjë njoftim zyrtar për çmimin e lansimit të telefonit. Raporti shtoi se kompania nuk do të lëshonte mini telefona nën serinë iPhone 14.

Apple do të lançojë një variant të ri Max, i pozicionuar midis atij standardi dhe modelit iPhone 14 Pro. Në SHBA, modeli pritet të kushtojë rreth 799 dollarë.

Cilat veçori do të jenë të disponueshme në iPhone 14?

Kamera: Në seri, iPhone 14 Pro dhe iPhone 14 Pro Max thuhet se kanë një konfigurim të trefishtë të kamerës së pasme 48 megapikselë. Telefonat e tjerë jo-Pro do të kenë të njëjtën kamerë të dyfishtë si modelet e lançuara në 2021.

Procesori: Modelet Pro ka të ngjarë të mbajnë chipset A16 Bionic. Nga ana tjetër, modelet jo-Pro do të kenë një çip A15, si seria iPhone 13.

Ngjyrat: Seria e re spekulohet të vijë në ngjyrat jeshile, vjollcë, blu, e zezë, e bardhë dhe e kuqe. Ngjyra vjollcë në iPhone 14 do të zëvendësojë ngjyrën rozë në iPhone 13. Modelet pro do të lansohen në ngjyrat jeshile, argjendi, ari dhe grafiti.

Bateria: Telefonat do të kenë të njëjtën karikim me valë si iPhone 13. Megjithatë, telefonat mund të ofrojnë mbështetje karikimi deri në 30 vat.

apple iphone 14