Aktualitet

VD-Manovra e rrezikshme në Shëngjin, Policia reagon pas videos me jet-ski: S'është aktuale, ja krahasimi

Sipas Policisë së Shtetit, pamjet që shfaqen në video nuk janë aktuale të këtij sezoni veror, por të disa viteve më parë.

4 Gusht 2022, 16:47 Nga k.m.
VD-Manovra e rrezikshme në Shëngjin, Policia reagon pas videos me
Pamje nga videoja

SHËNGJIN- Policia Kufitare e Shëngjinit ka reaguar pas publikimit të videos që u bë virale pak orë më parë, ku dukej një jet-ski teksa kryente një manovër të rrezikshme duke i rrezikuar jetën një pushuesi. Sipas Policisë së Shtetit, pamjet që shfaqen në video nuk janë aktuale të këtij sezoni veror, por të disa viteve më parë. Gjë që dallohet nga një objekt i ndërtuar para disa viteve. 

"Nisur nga publikimet e fundit në portale, të cilat nuk janë pamje aktuale, por që u dërgohen me tendencë portaleve për publikim, me qëllim nxitjen e reagimit qytetar, Policia e Shtetit apelon për çdo portal dhe media vizive e të shkruar, që të mos publikojnë video ose lajme të pakonfirmuara, por të marrin informacion të saktë pranë strukturave përgjegjëse në Policinë e Shtetit,"-shkruhet ndër të tjera në njoftimin e Policisë. 

NJOFTIMI I POLICISË:

Reagim i Policisë Kufitare Shëngjin

Në lidhje me një video të publikuar në rrjetet sociale, në të cilën shfaqet një person, me një mjet lundrues "Jet ski", në det, në Shëngjin, duke kryer manovra që rrezikojnë jetën e një qytetari që po notonte, ju informojmë se: Pamjet që shfaqen në video nuk janë aktuale të këtij sezoni veror, por të disa viteve më parë. Aktualisht, në vendin që shfaqet në video, ndodhet një objekt i ndërtuar para disa viteve. Nisur nga publikimet e fundit në portale, të cilat nuk janë pamje aktuale, por që u dërgohen me tendencë portaleve për publikim, me qëllim nxitjen e reagimit qytetar, Policia e Shtetit apelon për çdo portal dhe media vizive e të shkruar, që të mos publikojnë video ose lajme të pakonfirmuara, por të marrin informacion të saktë pranë strukturave përgjegjëse në Policinë e Shtetit.

Sondazh

Poll

MË SHUMË