Bota

VIDEO/ Zjarr masiv në Messinia të Greqisë, autoritetet ngrejnë alarmin për evakuimin e banorëve

Autoritetet, pak para orës 15:00 të pasdites, i kanë dërguar një mesazh alarmi banorëve të Mesochori Pylos që të evakuohen menjëherë në Pidasos. 

3 Gusht 2022, 15:08 Nga d.a.
VIDEO/ Zjarr masiv në Messinia të Greqisë, autoritetet
Zjarr ne Greqi

GREQI-Një zjarr ka rënë sot rreth orës 14:00 të pasdites në një zonë pyjore në zonën e Schinos, në Messinia të Greqisë, konkretisht midis vendbanimeve Mesochori dhe Kynigo.  

Sipas Protothemës, autoritetet, pak para orës 15:00 të pasdites, i kanë dërguar një mesazh alarmi banorëve të Mesochori Pylos që të evakuohen menjëherë në Pidasos. 

Banorët shprehen të shqetësuar, pasi në zonën e zjarrit ka banesa të shpërndara, ndërsa po fryn erë e fortë, e cila vështirëson punën e autoriteteve. Qëllimi është parandalimi i përhapjes së zjarrit në një zonë të banuar. 

Forcat zjarrfikëse janë duke u përforcuar vazhdimisht për të vënë nën kontroll zjarrin. Në vendngjarje po operojnë 64 zjarrfikës, përfshirë 14 finlandezë, dy grupe alpinistësh, 15 automjete, katër avionë dhe dy helikopterë.

Sipas zjarrfikësve, zjarri ka rënë në një zonë pyjore me bimësi të ulët, që ndodhet ndërmjet vendbanimeve. Megjithatë, deri më tani asnjë shtëpi nuk është e kërcënuar. Fotot e postuara nga përdoruesit e mediave sociale tregojnë sulme ajrore në vendngjarje duke kryer furnizim të vazhdueshëm. 

Duke folur për OPEN, kryebashkiaku i Pylos Nestoros, Panagiotis Karvelas, foli për një zjarr të rëndë. Ai përmendi se dy vendbanime të mëdha, Varakes dhe Mesochori, janë nën kërcënim. 

“Për momentin jemi në një fazë kritike. Zjarri është rreth 800 metra e 1 km larg vendbanimit”, tha ai, duke sqaruar megjithatë se ka edhe shtëpi të shpërndara. 

zjarr ne greqi panagiotis karvelas

Sondazh

Poll

MË SHUMË