Aktualitet

Përdhunoi të miturën dhe u arratis, kapet pas 4 vitesh 36-vjeçari shqiptar në Itali

Ngjarja ka ndodhur në verën e vitit 2018 në një qytet në Carnia ku shqiptari, i parregullt në Itali dhe me precedentë të shumtë penalë, ishte marrësi i një urdhri burgu të lëshuar nga Prokuroria Publike e Udines dhe ishte në kërkim ndërkombëtar nga Interpoli. 

30 Korrik 2022, 08:23 Nga d.a.
Përdhunoi të miturën dhe u arratis, kapet pas 4 vitesh
Policia italiane

ITALI- Ditët e fundit policia italiane arrestoi një shtetas shqiptar 36-vjeçar, i dënuar me dhjetë vite burg për dhunë seksuale ndaj një të miture. 

Sipas mediave vendase, ngjarja ka ndodhur në verën e vitit 2018 në një qytet në Carnia ku shqiptari, i parregullt në Itali dhe me precedentë të shumtë penalë, ishte marrësi i një urdhri burgu të lëshuar nga Prokuroria Publike e Udines dhe ishte në kërkim ndërkombëtar nga Interpoli. 

Aktiviteti që çoi në arrestimin nga agjentët e skuadrës së lëvizshme të Venecias, të mbështetur nga kolegët e tyre në Xhenova, pa një sërë hetimesh dhe ndjekjesh në provincën veneciane. Agjentët fillimisht u vunë në gjurmët e tij në një kantier ndërtimi në Mestre. 

Shqiptari më pas ishte në gjendje t'i shmangej një tentative të parë arrestimi gjatë së cilës, për të fituar arratisjen e tij, ai ishte hedhur nga një lartësi e konsiderueshme në kopshtin e një shtëpie dhe ishte ngjitur mbi një sërë gardhesh. Fundjavën e kaluar, hetuesit e gjurmuan sërish në bordin e një treni për në Genova dhe e ndaluan. Ai po përpiqej të largohej nga Italia.

policia italiane arrestohet shqiptari ne itali perdhunoi te mituren

Sondazh

Poll

MË SHUMË