Aktualitet

Pas sulmit kibernetik, Komisioni i Prokurimit Publik rikthehet në funksion: S'është cenuar asnjë e dhënë

Pasi e gjitha ka mbaruar, përmes një njoftimi KPP ka informuar të gjithë operatorët, autoritetet kontraktore dhe të gjitha subjektet e interesuara se pas sulmit kibernetik ndaj sistemeve të shërbimeve qeveritare.

28 Korrik 2022, 18:51 Nga k.m.
Pas sulmit kibernetik, Komisioni i Prokurimit Publik rikthehet në funksion:
Komisioni i Prokurimit Publik

TIRANË- Shërbimet online të Komisionit të Prokurimit Publik janë rikthyer në funksion të plotë pas sulmit kibernetik që pësoi vendi. Pasi e gjitha ka mbaruar, përmes një njoftimi KPP ka informuar të gjithë operatorët, autoritetet kontraktore dhe të gjitha subjektet e interesuara se pas sulmit kibernetik ndaj sistemeve të shërbimeve qeveritare.

POSTIMI I PLOTË:

Komisioni i Prokurimit Publik njofton operatorët ekonomikë, autoritetet kontraktore dhe të gjitha subjektet e interesuara, se faqja zyrtare e internetit www.kpp.al dhe Sistemi i Ankesave Elektronike në E-Albania është rikthyer tashmë në funksion të plotë. Në faqen zyrtare të Komisionit janë përditësuar të gjitha ankesat e dorëzuara, vendimet dhe çdo akt në zbatim të ligjit. Tashmë, autoritetet kontraktore, operatorët ekonomikë dhe subjektet e interesuara mund të marrin informacion në kohë reale në faqen e internetit të Komisionit. Gjithashtu, operatorët ekonomikë vendas dhe të huaj mund të dorëzojnë në rrugë elektronike, ankesat dhe argumentet, si dy shërbime në portalin unik qeveritar E-Albania.

Komisioni sqaron të gjitha grupet e interesuara, se falë sistemeve të sigurta të ndërtuara në bashkëpunim me Agjencinë Kombëtare të Shoqërisë së Informacionit, nuk ka asnjë dëmtim apo shpërndarje të paautorizuar të të dhënave të Sistemit të Ankesave Elektronike dhe se të dhënat janë të sigurta. KPP-ja falenderon median e shkruar dhe elektronike për bashkëpunimin e ndjekur dhe për publikimin e njoftimeve mbi mënyrën e ofrimit të shërbimeve gjatë gjithë kësaj periudhe, si edhe Agjencinë Kombëtare të Shoqërisë së Informacionit për mbështetjen e dhënë për zgjidhjen në një kohë të shpejtë të problematikës së shkaktuar si pasojë e sulmit të sinkronizuar kibernetik.

Një pjesë shumë e madhe e shërbimeve online në e-Albania u rikthyen vetëm pak ditë pas sulmit, duke bërë të mundur kështu që qytetarët të marrin dokumentet online. Pas "black-out", Prokuroria e Tiranës ka nisur hetimet lidhur me sulmin. Vetë kryeministri Edi Rama tha se dyshojnë se sulmi ka ardhur nga një shtet jomik. Por garantoi se të gjitha faqet dolën të paprekura dhe janë të sigurta.

komisioni i prokurimit publik

Sondazh

Poll

MË SHUMË