Aktualitet

Vjedhje, dhunë dhe zjarrëvënie, 3 të arrestuar në Tiranë

Në pranga ka përfunduar një 35-vjeçar i cili ka vjedhur disa produkte në një market.

25 Korrik 2022, 11:47 Nga A.B
Vjedhje, dhunë dhe zjarrëvënie, 3 të arrestuar në
Policia

TIRANË- Tre persona janë arrestuar në Tiranë pasi akuzohen për vepra të ndryshme penale. Në pranga ka përfunduar një 35-vjeçar i cili ka vjedhur disa produkte në një market. Po ashtu, është ndaluar edhe një 47-vjeçar pasi ka ushtruar dhunë ndaj bashkëshortes së tij. 

NJOFTIMI I POLICISË:

Specialistët për Hetimin e Krimeve në Komisariatin e Policisë Nr. 3 ndaluan me iniciativë shtetasin G. D., 35 vjeç, banues në Tiranë, pasi dyshohet se ka vjedhur disa produkte në një market. Gjithashtu, specialistët për Hetimin e Krimeve në Komisariatin e Policisë Nr. 3 arrestuan në flagrancë shtetasin A. T., 47 vjeç, pasi ka ushtruar dhunë ndaj bashkëjetueses së tij. Specialistët për Hetimin e Krimeve në Komisariatin e Policisë Vorë arrestuan në flagrancë shtetasin B. Ç., 47 vjeç, pasi ka ndezur zjarr në një sipërfaqe toke në pronësi të tij dhe si pasojë e përhapjes së flakëve, është djegur një sipërfaqe me dru frutorë, ngjitur me pronën e tij. Materialet i kaluan Prokurorisë, për veprime të mëtejshme procedurale.

arrestime ne tirane tirane

Sondazh

Poll

MË SHUMË