Bota

Mbahej peng nga separatistët pro-rusë, humb jetën në burg vullnetari britanik Paul Urey

Darya Morozova, ombudsmeni i DNR-së që merret me të drejtat e të burgosurve, shkroi në Telegram të premten se Urey vdiq më 10 korrik si pasojë e "sëmundjes dhe stresit". Nëna e tij, Linda Urey, tha se ajo ishte "absolutisht e shkatërruar",

15 Korrik 2022, 13:53 Nga d.a.
Mbahej peng nga separatistët pro-rusë, humb jetën në burg
Paul Urey

UKRAINË- Punonjësi britanik i ndihmës Paul Urey, 45 vjeç, ka vdekur ndërsa mbahej peng nga separatistët pro-rusë në Republikën e vetëshpallur Popullore të Donetsk (DNR), ka thënë një zyrtar lokal në territorin e kontrolluar nga rebelët.

Sipas Guardian, Darya Morozova, ombudsmeni i DNR-së që merret me të drejtat e të burgosurve, shkroi në Telegram të premten se Urey vdiq më 10 korrik si pasojë e "sëmundjes dhe stresit". 

“Tashmë gjatë ekzaminimit të parë mjekësor, Paul Urey u diagnostikua me një sërë sëmundjesh kronike, duke përfshirë diabetin e varur nga insulina, dëmtimin e sistemit të frymëmarrjes, veshkave dhe një sërë sëmundjesh të sistemit kardiovaskular,” tha Morozova.

Morozova më tej pretendoi se Ministria e Jashtme Britanike nuk kishte dhënë "asnjë reagim" ndaj kapjes së Urey, pavarësisht se ishte njoftuar për situatën e tij. Ajo pretendoi se Urey ishte një "luftëtar profesionist" që kishte marrë pjesë në konfliktet në Afganistan, Irak dhe Libi, duke udhëhequr "operacionet ushtarake".

Nëna e tij, Linda Urey, tha se ajo ishte "absolutisht e shkatërruar", ajo i kishte thënë më parë BBC se djali i saj ishte diabetik dhe kishte nevojë për insulinë.

Në fillim të majit, Urey u shfaq në televizionin shtetëror rus në pranga. Në pamjet, për të cilat nëna e tij tha se ishin bërë nën presion, ai kritikoi qeverinë e Mbretërisë së Bashkuar dhe kritikoi mbulimin e luftës në mediat britanike. Urey është i huaji i parë i njohur që ka vdekur në paraburgimin e separatistëve pro-rusë që nga fillimi i luftës.

Muajin e kaluar, dy burra britanikë dhe një shtetas maroken të kapur ndërsa luftonin në ushtrinë ukrainase u dënuan me vdekje nga një gjykatë në Donetsk në atë që zyrtarët e përshkruan si një "gjyq të neveritshëm shfaqjeje të epokës sovjetike".

paul urey lufta ukraine-rusi linda urey

Sondazh

Poll

MË SHUMË