Bota

FOTOT/ Vendi ku mijëra shqiptarë u izoluan nga regjimi serb, burgu i Prishtinës shndërrohet në muze

Në hapësirat e këtij burgu janë vendosur fotografi, video, e artefakte të tjera të ish të burgosurve, për të treguar përjetimet e tyre gjatë qëndrimit në këtë burg.

12 Korrik 2022, 20:36 Nga I.A

FOTOT/ Vendi ku mijëra shqiptarë u izoluan nga regjimi serb, burgu i

Burgu i Kosoves

KOSOVË- Në Prishtinë më 12 korrik është hapur muzeu “Burgu i Idealit”, që është ish-qendra e paraburgimit gjatë kohës së regjimit serb, ku mijëra ish të burgosur shqiptarë kanë përjetuar trajtime çnjerëzore. Në hapësirat e këtij burgu janë vendosur fotografi, video, e artefakte të tjera të ish të burgosurve, për të treguar përjetimet e tyre gjatë qëndrimit në këtë burg. Ministria e Kulturës tha se ka marr materiale të nevojshme nga Shoqata e të Burgosurve Politikë, përfshirë edhe mbi 9,000 emra të ish të burgosurve nga viti 1945. Muzeu do të punojë me orar të plotë nga ora 10 deri 19, çdo ditë përveç të hënave, ku vizitorët do të priten nga një ciceron i angazhuar me orar të plotë.

Në ish-qendrën e paraburgimit në Prishtinë janë vendosur fotografi e materiale të ndryshme, në kujtim të përjetimeve të ish të burgosurve poitikë në kohën e regjimit serb. Burgu i Prishtinës është shndërruar në muzeun "Burgu i Idealit" , teksa aty është hapur një ekspozitë e përkohshme, e cila do të mundësojë që ky burg të shndërrohet plotësisht në muze, kanë thënë nga Ministria e Kulturës. Ministria e Kulturës ka bërë të ditur për REL-in se është ruajtur struktura origjinale e burgut, por janë kryer vetëm intervenime të vogla me video, fotografi, artefakte e të tjera të ish të burgosurve gjatë periudhës së regjimit serb.

Marrë nga REL

burgu i idealit