Bota

Kreu i OBSH: COVID-19 vijon të mbetet një emergjencë globale

Reuters shkruan se Komiteti i Emergjencave, i përbërë nga ekspertë të pavarur, tha në një deklaratë se rastet në rritje, evolucioni i vazhdueshëm viral dhe presioni mbi shërbimet shëndetësore në një numër vendesh nënkuptonin që situata ishte ende një emergjencë.

12 Korrik 2022, 18:43 Nga I.A

Kreu i OBSH: COVID-19 vijon të mbetet një emergjencë globale

Tedros Adhanom Ghebreyesus

ZVICËR- Organizata Botërore e Shëndetësisë tha të martën se COVID-19 mbetet një emergjencë globale, gati 2 vite e gjysëm pasi u shpall si pandemi për herë të parë. Reuters shkruan se Komiteti i Emergjencave, i përbërë nga ekspertë të pavarur, tha në një deklaratë se rastet në rritje, evolucioni i vazhdueshëm viral dhe presioni mbi shërbimet shëndetësore në një numër vendesh nënkuptonin që situata ishte ende një emergjencë.

Rastet e raportuara në OBSH ishin rritur me 30% në dy javët e fundit, megjithëse rritja e imunitetit të popullsisë, kryesisht nga vaksinat, kishte parë një "shkëputje" të rasteve nga shtrimet në spital dhe vdekjet, thuhet në deklaratën e komitetit.

"COVID-19 nuk është afër fundit. Ndërsa virusi na shtyn, ne duhet të tërhiqemi", tha drejtori i përgjithshëm i OBSH-së Tedros Adhanom Ghebreyesus në një konferencë virtuale për shtyp nga Gjeneva.

Agjencia shëndetësore e OKB-së së pari shpalli nivelin më të lartë të alarmit, i njohur si një emergjencë e shëndetit publik me shqetësim ndërkombëtar, për COVID-19 më 30 janar 2020. Një përcaktim i tillë mund të ndihmojë në përshpejtimin e kërkimit, financimit dhe masave ndërkombëtare të shëndetit publik për të përmbajtur një sëmundje.

tedros adhanom ghebreyesus obsh