Bota

Pjesë e komunitetit rom, Kurti shkarkon zëvëndës ministrin e Kulturës: Është e padrejtë

Zëvendësministri që është nga komuniteti rom, deklaroi pas shkarkimit tha se vendimi i kryeministrit u mor pasi një kërkesë të tillë ia kishte bërë partia së cilës i takon.

4 Korrik 2022, 22:58 Nga I.A
Pjesë e komunitetit rom, Kurti shkarkon zëvëndës ministrin e
Sejnur Veshall

KOSOVË- Kryeministri Albin Kurti shkarkoi zëvendësministrin e Kulturës, Rinisë dhe Sportit, Sejnur Veshall. Zëvendësministri që është nga komuniteti rom, deklaroi pas shkarkimit tha se vendimi i kryeministrit u mor pasi një kërkesë të tillë ia kishte bërë partia së cilës i takon. Veshal deklaroi se ka punuar dhe asgjë më tepër.

“Unë u faktorizova si rom në qeveri, asgjë më tepër dhe sot po lirohem vetëm për çështje personale. Kam punuar me mund e përkushtim, vetëm t’i proklamoj afinitetet e pjesëtarëve të komunitetit, dhe e bëra”, shkroi ai.

Sipas ish zëvendësministrit Veshall, vetë kryeministri Kurti, largimin e tij nga kjo detyrë e ka konsideruar si padrejtësi.

“T’u bë e padrejtë tha Kryeministri”, shkroi Veshall.

Ai falënderoi të gjithë për bashkëpunimin dhe falënderoi të gjithë anëtarët e kabinetit të qeveritar për konsideratat. Në vendimin e kryeministrit Kurti në pikën e dytë thuhet se Sejnur Veshall duhet të bëjë deklarimin e pasurisë në pajtim me ligjin përkatës.

 

sejnur veshall albin kurti

Sondazh

Poll

MË SHUMË