Aktualitet

Të rinjtë po ikin, Meta: Duhet urgjentisht një strategji, po shpopullohet Shqipëria

Kreu i shtetit tha se analiza që i bënte jehonë shpopullimit, jep alarmin për nevojën e një plani për të mbajtur të rinjtë në vend.

26 Qershor 2022, 13:59 Nga k.m.
Të rinjtë po ikin, Meta: Duhet urgjentisht një strategji, po
Ilir Meta

TIRANË- Presidenti Ilir Meta ka reaguar lidhur me artikullin e publikuar nga “Zëri i Amerikës”, ku zbulonte se në 6 vite e fundit nga Shqipëria janë larguar 220 mijë qytetarë. Me anë të një postimi në Facebook, kreu i shtetit tha se analiza që i bënte jehonë shpopullimit, jep alarmin për nevojën e një plani për të mbajtur të rinjtë në vend. Ndërsa shton se ka dyshime se ka një axhendë të qëllimshme që tenton të falimentojë Shqipërinë si komb.

"Axhenda e qëllimshme antikombëtare për shpopullimin dhe falimentimin e Shqipërisë është një fakt i qartë. Pasojat tragjike ndihen në çdo familje shqiptare dhe në çdo sektor. Është detyra e të gjithëve të unifikohemi pa humbur më kohë, në një front të përbashkët kombëtar, për të adresuar me përgjegjshmëri, atdhetari dhe profesionalizëm këtë dramë të madhe, duke ringjallur shpresën. Nevojitet urgjentisht një strategji e qartë dhe efektive që lufton realisht dhe në mënyrë permanente fenomenet që çojnë në braktisjen e vendit nga shqiptarët, duke garantuar së pari standarde të qeverisjes, llogaridhënie demokratike në çdo nivel dhe dëgjimin e zërit të qytetarëve nëpërmjet referendumeve. Të bashkojmë energjitë për t’i dhënë Shqipërisë drejtimin dhe perspektivën e merituar europiane! Koha për të ndërtuar Europën në Shqipëri është tani!,"-tha Ilir Meta.

Sipas të dhënave zyrtare të Institutit Shtetëror të Statistikave, INSTAT, nga viti 2016 deri në fund të vitit 2021 nga Shqipëria kanë emigruar rreth 221 mijë e 48 persona me një mesatare vjetore prej 38 mijë e 841 persona. Vetëm vitin e kaluar nga Shqipëria emigruan 42 mijë e 48 persona, pjesa më e madhe të rinj të moshës 18 deri në 40 vjeç, duke ndikuar ndjeshëm në tkurrjen e fuqisë punëtore edhe në bujqësi.

 

 

ilir meta

Sondazh

Poll

MË SHUMË