Aktualitet

Zhvatnin shuma të frikshme/ "Goditet" banda shqiptaro-greke, skema 'groposi' e biznesmenë

Pas operacionit “kinematik” të kryer nga Policia të premten e kaluar, më 17 qershor, në zona të ndryshme të Heraklionit, janë arrestuar gjithsej 8 persona, të cilët dyshohet se janë të përfshirë në rastin e “grupit kriminal” të huadhënësve-zhvatësve.

22 Qershor 2022, 23:01 Nga k.m.
Zhvatnin shuma të frikshme/ "Goditet" banda shqiptaro-greke,
Foto ilustruese

GREQI- Një grup prej 8 personash janë lënë në burg nga gjykata greke në Kretë pasi u kapën duke zhvatur njerëzit përmes kredive. Të arrestuarit që dyshohet se janë përfshirë në rrjetin e fajdeve në Heraklion pritet të kalojnë sot pragun e gjykatës së Heraklion për të kërkuar falje .

Pas operacionit “kinematik” të kryer nga Policia të premten e kaluar, më 17 qershor, në zona të ndryshme të Heraklionit, janë arrestuar gjithsej 8 persona, të cilët dyshohet se janë të përfshirë në rastin e “grupit kriminal” të huadhënësve-zhvatësve.

Megjithatë, në dosjen e lëndës janë përfshirë edhe tre persona të tjerë. Midis personave të arrestuar janë edhe dy shqiptarë 30-vjeçarë, të cilët së bashku me një 46-vjeçar grek akuzohen si bërthama e një grupi kriminal e ndërtimit të një skeme piramidale. Banda shqiptaro-greke kanë zhvatur një sërë personash duke u marrë shuma të majme dhe më pas blinin makina luksoze si Porsche, Jaguar apo Epau.

“Çdo dëshmi është një histori e dhimbshme”, tha një oficer i policisë. Ata i zhvatnin njerëzit përmes një skeme huamarrjeje, gati në terma mafiozë dhe shkatërrues. Çdo rast ishte i ndryshëm, por në përgjithësi për një kredi prej 5000 euro, interesi mund të ishte deri në 2000 euro në muaj. Nëse kishte vonesa në pagesën e kamatës, kamata bëhej dyfish dhe trefish. Një shumë prej 5000 euro mund të shndërrohej në si formë për t’u shlyer deri 50.000 euro!

Por, kishte edhe persona të cilët kishin probleme shëndetësore apo duhet të kryenin një operacion për veten ose fëmijët e tyre dhe kanë marrë hua me kamatë, duke “nënshkruar” dënimin e tyre.

Gjithashtu, ka pasur edhe persona të cilët për shkak të pandemisë, për të mos i vënë drynin bizneseve të tyre (kompani, dyqane, farmaci etj.) janë detyruar të merrnin hua nga banda e zhvatësve, për të shpëtuar biznesin e tyre dhe tani po mbyten nga laku i kamatës dhe i kërcënimeve.

Presioni ishte aq i madh sa disa kishin kaluar në procesin e shitjes së pronave të tyre për të shlyer kreditë. Megjithatë jo të gjithë kanë dëshmuar. Ka të tjerë (ata tashmë i njohin disa prej tyre) që ende heshtin nga frika.

“Tani është koha për të folur,”-bën thirrje Policia./ Marrë nga lawandorder.gr

greqi

Sondazh

Poll

MË SHUMË