Bota

Sunny Hill në Tiranë, Besa Foundation: Gjithçka e orkestruar, e planifikuar para një viti (Foto-krahasimet)

Në postim ka bashkëngjitur dhe një foto të babait të Dua Lipës, i cili shfaqet krah kryebashkiakut Erion Veliaj një vit më parë dhe paralajmëron gjëra të reja.

15 Qershor 2022, 00:50 Nga F.M
Sunny Hill në Tiranë, Besa Foundation: Gjithçka e orkestruar, e
Foto Ilustruese

KOSOVË- Besa Foundation ka hedhur dyshime se transferimi i Sunny Hill Festival nga Prishtina në Tiranë është planifikuar prej kohësh dhe se reagimet e bëra sot, nuk kanë qenë gjë tjetër, veçse një skenar. Në një postim në Facebook, fondacioni publikon fotot e postimeve dhe shkruan se vetëm një orë pasi Dukagjin Lipa ka dhënë lajmin për transferimin e festivalit, kryeministri Edi Rama ka reaguar duke postuar edhe logon e festivalit. Kjo, sipas fondacionit tregon se gjërat kanë qenë të planifikuara më herët, pasi logoja nuk është realizuar në orën e fundit. Në postim ka bashkëngjitur dhe një foto të babait të Dua Lipës, i cili shfaqet krah kryebashkiakut Erion Veliaj një vit më parë dhe paralajmëron gjëra të reja. Mos e kishte fjalën për këtë festival?

Postimi i plotë:

„Nese ik dhe nuk kthehet, kurr nuk ka qene i yti“ Sa per korrektesi; Te gjithe kishim deshiru me u mbajte Festivali I Duas ne Prshtine, pa asnje dyshim.  Mirpo shikoni postimet, 1 ore pasi Dukagjini poston lajmin per mosmbajtjen e Festivalit, del Edi Rama me postim me Logo te Festivalit.  Shihe Foton.  Nuk ka shanse qe per 1 ore i gjithe mekanizmi i Marketingut te jete vene ne Levizje.  Gjithqka duket te jete e orkestruar. Edhe shteti i ka rregullat e veta, qe duhet te respektohen nga te gjithe, edhe nga Dukagjini.  Ne fillim ky Festival u mbajt ne lloqin e Germise P.S.  „Nuk eshte gjithqka dukat, qka vizllon“ Me 12.06.2021- para 1 viti gatujke Erjon velija me Dugin diqka po nuk e kemi dite se qka! Shihe postimin

Festivali Sunny Hill këtë vit nuk do të mbahet në Prishtinë, pasi organizatorët janë tërhequr nga eventi pas vonesave proceduriale nga qeveria e Kosovës. Për shkak të vonesave në përgjigje për një vendim përfundimtar për dhënien e tokës në shfrytëzim, themeluesi Dukagjin Lipa i ka njoftuar krerët e shtetit se Festivalin “Sunny Hill” për vendimin e tërheqjes së festivalit nga Prishtina dhe pritet të mbahet në Tiranë. Në adresimin e organizatorëve thuhet se në vend të përkrahjes, kërkesa për t’i siguruar një vend festivalit “është politizuar”. Festivali ishte parashikuar të mbahej në dalje të Prishtinës prej 4 deri më 7 gusht të këtij viti.

sunny hill ne tirane

Sondazh

Poll

MË SHUMË