Bota

Kancelari gjerman vizitë dyditore në Ballkanin Perëndimor, anashkalon Shqipërinë

Ndalesat e para në turneun dyditor të Olaf Scholz-it në Ballkan do të jenë Kosova dhe Serbia më 10 qershor. Sipas zëdhënësit të kancelarit gjerman Wolfgang Bichner, ndër të tjera është planifikuar një vizitë në trupat gjermane të KFOR-it në Kosovë.

3 Qershor 2022, 17:10 Nga DOSJA
Kancelari gjerman vizitë dyditore në Ballkanin Perëndimor,
Olaf Scholz

GJERMANI- Javën e ardhshme, kancelari gjerman Olaf Scholz do të bëjë një vizitë dyditore në Ballkanin Perëndimor, Greqi dhe Bullgari, u konfirmua në Berlin.

Ndalesat e para në turneun dyditor të Olaf Scholz-it në Ballkan do të jenë Kosova dhe Serbia më 10 qershor. Sipas zëdhënësit të kancelarit gjerman Wolfgang Bichner, ndër të tjera është planifikuar një vizitë në trupat gjermane të KFOR-it në Kosovë.

Por në njoftimin e zyrë së kancelarit gjerman nuk përmendet Shqipëria edhe pse rreth dy muaj mër parër ai u ftua nga kryeministri Edi Rama gjatër vizitës sër tij në Berlin.

Më pas, Scholz do të shkojë në Selanik, me ftesë të kryeministrit grek Kyriakos Mitsotakis, ku do të bashkohet në mbrëmje me përfaqësues të vendeve të nismës rajonale "Procesi i Bashkëpunimit të Evropës Juglindore (SEECP)". Të nesërmen, më 11 qershor, kancelari gjermane niset për në Maqedoninë e Veriut dhe më pas për në Bullgari.

Sipas një deklarate nga zyra e kancelarit, fokusi i udhëtimeve të Olaf Scholz do të jetë perspektiva e BE-së e vendeve të Ballkanit Perëndimor, si dhe kontributi i Gjermanisë në përmirësimin e bashkëpunimit rajonal dhe tejkalimin e bllokadave dypalëshe. 

Përveç kësaj, shtohet, tema qendrore do të jetë reagimi i mëtejshëm i përbashkët ndaj luftës së agresionit rus kundër Ukrainës. Siç thuhet në faqen zyrtare të zyrës së kancelares gjermane, më shumë detaje rreth programit të udhëtimit do të bëhen të ditura në ditët në vijim.

Sondazh

Poll

MË SHUMË