Bota

Tmerr në Gjermani! Kujdestari akuzohet se ka abuzuar seksualisht me 33 foshnja dhe fëmijë

Sipas CNN, vlen të përmendet se prindërit e këtyre fëmijëve nuk dyshonin aspak se çfarë po ndodhte në shtëpinë e tyre.

1 Qershor 2022, 10:47 Nga DOSJA
Tmerr në Gjermani! Kujdestari akuzohet se ka abuzuar seksualisht me 33
Foto ilustruese

GJERMANI- Rasti i abuzimit seksual të fëmijëve dhe pornografisë së fëmijëve në shtetin e Nordrhein-Westphalia ka tronditur Gjermaninë. Sipas një artikulli të Deutsche ëelle, një 44-vjeçar nga qyteti Vermelskirchen ofronte shërbime për kujdesin e fëmijëve përmes internetit dhe kështu kishte akses te viktimat e tij.

Sipas CNN, vlen të përmendet se prindërit e këtyre fëmijëve nuk dyshonin aspak se çfarë po ndodhte në shtëpinë e tyre. Edhe viktimat, tashmë të rritur, e mësuan se ishin abuzuar seksualisht në fëmijëri, pasi abuzimet datojnë në vitin 2005.

Përshkrimet e veprimeve të tij tronditën edhe zyrtarët e organeve hetimore që kanë trajtuar shumë raste të ngjashme. Viktima më e vogël ishte një foshnjë një muajshe, mes të cilëve edhe pesë foshnja të tjera dhe fëmijë me aftësi të kufizuara. Gjithsej përllogariten rreth 33 persona. 

Fantazitë e dhunshme të të akuzuarit, i cili ka rrëfyer veprimet e tij, kanë qenë të pamundura të fiksohen në letër, por gjithçka u zbulua në aterialin pornografik që u gjet në kompjuterin e tij. Ka indikacione se në disa raste fëmijëve u hidhej qetësues për të mos bërtitur, deri më tani është vlerësuar vetëm 10% e materialit të ruajtur në kompjuterin e tij, kështu që me gjasë numri i viktimave të abuzimit të vazhdojë të rritet.

Po ashtu, Policia ka rënë në gjurmët e 73 të dyshuarve të tjerë, shumica prej tyre prindër, të afërm, fqinjë, vëllezër, madje edhe prindër e gjyshër të të akuzuarve. Edhe këta pritet që të dëshojnë lidhur me ngjarjen. 

Marrë nga CNN

(k.m/dosja.al)

Sondazh

Poll

MË SHUMË