Bota

Von der leyen: Europa do të 'rifuqizohet' pas raundit të fundit të sanksioneve ndaj Rusisë

Ajo përshkroi se si BE-ja do të "rifuqizojë" veten dhe do të ripozicionojë varësinë e saj larg naftës dhe gazit rus.

31 Maj 2022, 18:17 Nga DOSJA
Von der leyen: Europa do të 'rifuqizohet' pas raundit të
Von Der Leyen

BRUKSEL- Presidentja e Komisionit Evropian Ursula von der Leyen ka folur në një konferencë shtypi në Bruksel pasi BE-ja vendosi një ndalim të ri për importet e naftës nga Rusia.

Ajo përshkroi se si BE-ja do të "rifuqizojë" veten dhe do të ripozicionojë varësinë e saj larg naftës dhe gazit rus.

"Është solidariteti dhe bashkëpunimi që janë në qendër të çdo strategjie të suksesshme për t'u marrë me Rusinë si një furnizues jo i besueshëm," tha ajo.

Sipas saj bashkëpunimi, për shembull, siç është demonstruar nga Danimarka, Gjermania, Holanda dhe Belgjika, të cilët disa ditë më parë treguan në samitin e përbashkët të erës tregon se çfarë do të thotë zhvillimi i energjisë së erës në det të hapur në Detin e Veriut.

"Sigurisht, solidariteti. Kjo ishte një temë e madhe sot, duke treguar se në rast të një ndërprerjeje të plotë të rrjedhave të gazit nga Rusia, gazi me të vërtetë lejohet të rrjedhë kudo që nevojitet në Evropë."-shtoi ajo.

Von der Leyen vazhdoi të quante pushtimin rus të Ukrainës një "kujtues të fortë" të nevojës për të forcuar kapacitetet e mbrojtjes. Ajo theksoi se ka parë zhvillime pozitive ku përmendi dhe kërkesën e Finladnës dhe Suedisë për t'u anëtarësuar në NATO.

Von der Leyen tha gjithashtu se BE-ja do të zëvendësojë materialin ushtarak që është dërguar në Ukrainë.

(d.a/dosja.al)

Sondazh

Poll

Bota 31 Maj 2022, 18:00

Sa naftë importon Evropa nga Rusia?

  Foto Ilustruese   BRUKSEL- Siç kemi raportuar, Bashkimi Evropian ka rënë dakord të bllokojë të gjitha importe...

MË SHUMË