Aktualitet

Shpërthim me tritol në Vlorë/ Mjetit të ekonomistit i vihet lëndë eksplozive, i dënuar për drogë

Tritoli ka shpërthyer në automjetin tip 'Audi', në pronësi të Ermal Kasës, banues në Elbasan

30 Maj 2022, 07:16 Nga DOSJA
Shpërthim me tritol në Vlorë/ Mjetit të ekonomistit i vihet
Shperthimi ne Vlore

VLORË- Një shpërthim i fuqishëm tronditi qytetin e Vlorës në orët e para të mëngjesit. Ngjarja u shënua rreth orës 02:55 në lagjen 'Pavarësia'. Tritoli në mjetin tip Audi iu vendos Ermal Kasës, 31-vjeçarit me profesion ekonomist në një kazino në zonën e Ujit të Ftohtë.

Automjeti luksoz ka vetëm dëme materiale ndërsa nuk raportohet për persona të lënduar. Kasa është me origjinë nga Elbasani dhe prej disa kohësh jeton në qytetin e Vlorës për shkak të punës. Në dëshminë e tij ka thënë se nuk ka konflikte me njeri.Megjithatë pritet që të merret sërish në pyetje pasi në orët e para të mëngjesit ishte i tronditur nga ngjarja. 

Kasa është i njohur për policinë pasi vite më parë është kapur në Itali me 900 kg kanabis. Bashkë me Hysni Hoxhën, Kasaj u kap në Belpasos të Katanias. 

Policia po punon për të marrë pamjet e kamerave të sigurisë të bizneseve në mënyrë që të ndihmojë hetimet në zbardhjen e ngjarjes dhe identifikimin e autorit. 

(A.B)/Dosja.al

Sondazh

Poll

MË SHUMË