Aktualitet

“Fushëbetejë” në Tiranë, 80 tifozë kthehen mbrapsht në Itali

Vendimi për largimin nga vendi të tifozëve problematikë erdhi pas akteve të dhunshme të tyre në zona të ndryshme të kryeqytetit.

25 Maj 2022, 08:46 Nga DOSJA
“Fushëbetejë” në Tiranë, 80 tifozë kthehen
Policia

TIRANË- Policia e vendit ka kthyer me traget në Itali tifozët e dhunshëm. 'Top Channel' raporton se në orët e para të mëngjesit të sotëm janë kthyer mbrapsht drejt Italisë rreth 80 tifozë problematikë, të cilët u identifikuan në bashkëpunim me Interforcën dhe ambasadën italiane. Vendimi për largimin nga vendi të tifozëve problematikë erdhi pas akteve të dhunshme të tyre në zona të ndryshme të kryeqytetit.

Mëngjesin e sotëm pritet të mbërrijnë në Durrës të tjerë tifozë me tragetet e Barit dhe Ankonës, ndërsa në port ka prani të shtuar të forcave policore.

Sot është finalja Europiane e Conferencë League. Në orën 21:00 Roma-Feyenoord do të përballen në stadiumin ‘Air Albania’ në Tiranë duke e kthyer këtë ndeshje në një moment historik për historinë e futbollit shqiptar. Si pasojë e dhunës së ushtruar nga tifozët e të dy skuadrave, u plagosën 10 efektivë dhe u dëmtua një automjet policie. Ndërkohë u shoqëruan 60 persona, 48 tifozë të  Romës 12 të Feyenoord. 

(a.b)/dosja.al

Sondazh

Poll

MË SHUMË