Bota

Lija e majmunëve, nisin teoritë konspirative: Bill Gates e përhapi sëmundjen

Teoria e konspiracionit u shfaq në Twitter duke pretenduar se Gates ishte ai që përhapi linë e majmunëve në Angli. Lija e majmunit është një sëmundje virale që shfaqet më së shumti në Afrikë dhe ka ekzistuar që nga viti 1970.

23 Maj 2022, 21:15 Nga DOSJA

SHBA- Emri i Bill Gates është ripërdorur në vorbullën e teorive konspirative. Pasi u tha se kishte implantuar një mikroçip përmes një vaksine COVID-19, këtë herë ai u akuzua si organizatori pas shpërthimit të lisë së majmunëve që tani po përhapet në Evropë.

Sipas Qendrave për Kontrollin dhe Parandalimin e Sëmundjeve (CDC), simptomat e lisë së majmunëve janë përgjithësisht të ngjashme me ato të lisë normale, duke përfshirë ethe, dhimbje, lodhje dhe skuqje në trup. Në Afrikë, lija e majmunëve shkakton vdekjen në 1 në 10 persona të infektuar.

Rasti i lisë së majmunëve vjen më pak se një vit pasi Bill Gates, themeluesi i Microsoft dhe pronari i Fondacionit Bill & Melinda Gates, paralajmëroi qeverinë që të përgatitet për pandeminë e ardhshme në të ardhmen. Ai e bëri këtë gjatë një diskutimi të organizuar nga grupi britanik i mendimit Policy Exchange. Gjatë diskutimit, Gates bëri thirrje gjithashtu për krijimin e një task force të re pandemike në OBSH.

Për disa përdorues të Twitter, kjo ngjarje nuk është thjesht rastësi. Ata mendojnë se Gates nuk ishte i kënaqur me depozitimin e mikroçipave në trupin e njeriut nëpërmjet një vaksine COVID-19 dhe tani po bën diçka përsëri. Edhe pse nuk është e qartë se për çfarë saktësisht u akuzua Gates.

"Kështu që SHBA bleu vaksinën e lisë së majmunit një javë më parë, bota është gati të nënshkruajë një marrëveshje me OBSH-në duke i dhënë atyre kontroll të plotë gjatë një emergjence shëndetësore, Bill Gates na paralajmëroi për pandeminë e ardhshme, Monkeypox tani po bëhet titujt kryesorë," shkroi @HumanIty1o1 në Twitter, i cili tani është pëlqyer nga shumë, 9575 persona dhe është retweetuar 4299 herë.

(I.A/dosja.al)