Politike

Ministri e vizitoi, Rama për mediat greke: Bashkëpunim në sektorin e energjisë

14 Maj 2022, 23:38 Nga DOSJA
Ministri e vizitoi, Rama për mediat greke: Bashkëpunim në
Kryeministri Edi Rama në takim me ministrin grek të energjisë

GREQI- Kryeministri Edi Rama ka deklaruar se Shqipëria dhe Greqia kanë plane të përbashkëta në sektorin e energjisë. Në një intervistë për mediat greke, pas takimit me ministrin e energjisë Kostas Skrekas, Rama tha se me zyrtarin grek bisedoi pikërisht për planet e bashkëpunimit në sektorin energjitik në një kohë që bota po përballet me një krizë për shkak të luftës Ukrainë-Rusi.

“Kemi plane të përbashkëta dhe shumë të dobishme reciprokisht dhe na duhet vetëm që të ecim përpara me shpejtësi dhe të përfitojnë nga këto plane, nga fakti që mund të shkëmbejmë energji duke qënë se kemi burime të natyrave të ndryshme, ne jemi hidro 100 %, Greqia është gaz, është termo,”- tha Rama.

Në një prononcim për kanalin televiziv grek ERT, Rama tha se pjesë e bisedës është bërë edhe turizmi.

“Ishte një kënaqësi e madhe që u takuam, që prita Ministrin së bashku me delegacionin, teksa në fokus të takimit ishin planet konkrete të bashkëpunimit në sektorin energjetik,”- tha Rama më tej.

Për të njëjtën media kanë folur edhe dy minister, Belinda Balluku e Mirel Kumbaro.

“Kemi diskutuar për sa i përket mundësive të investimeve që pala greke mund të bëjë në territorin shqiptar, sa i përket burimeve të reja energjetike, sigurisht flasim mes nesh për burime të gjelbra energjetike,”- tha Balluku.

“Turizmi është gjithashtu një temë që ne e ndamë sepse mjedisi dhe zonat e mbrojtura janë po ashtu një atraksion turistik dhe duhet t’i mbrojmë, por duhet edhe në mënyrë të qëndrueshme t’i zhvillojmë,”- tha Kumbaro.

Ministri grek i Mjedisit dhe Energjisë, Kostas Skrekas, ka realizuar një vizitë në Shqipëri. Vetë Skrekas theksoi se vizita e tij është e rëndësishme për thellimin e bashkëpunimit në sektorin energjetik mes Shqipërisë dhe Greqisë.

(F.m/dosja.al)

Sondazh

Poll

MË SHUMË