Bota

Përfundon takimi Kosovë-Serbi në Bruksel, Lajçak: S’ka marrëveshje për targat

Në një postim në Twitter Lajcak tha se rezultatet nuk janë plotësisht negative pasi ka patur progres në disa çështje të tjera si në atë të energjisë.

13 Maj 2022, 18:51 Nga DOSJA
Përfundon takimi Kosovë-Serbi në Bruksel, Lajçak:
Bislimi, Lajcak dhe Petkovic

BRUKSEL- Përfaqësuesi i posaçëm i Bashkimit Evropian për dialogun Kosovë-Serbi Miroslav Lajçak, ka njoftuar se në takimin e ndërmjetëm dërmjet kryenegociatorëve nga Kosova dhe Serbia nuk është arritur asnjë marrëveshje për targat.

Në një postim në Twitter Lajcak tha se rezultatet nuk janë plotësisht negative pasi ka patur progres në disa çështje të tjera si në atë të energjisë.

“Sapo përfunduam takimin e sotshëm të kryenegociatorëve në Bruksel. Rezultatet janë të përziera. Fatkeqësisht, asnjë marrëveshje nuk është arritur për targat, megjithatë është shënuar progres në fusha të tjera, përfshirë energjinë. Puna do të vazhdojë”, ka shkruar Lajçak.

Marrëveshja e përkohshme e targave ka përfunduar më 21 prill. Përkundër që marrëveshja e përkohshme për targat ka skaduar më 21 prill, edhe përtej kësaj date, veturat kanë vazhduar të vendosin letrat ngjitëse bazuar në marrëveshjen e përkohshme e cila ishte arritur në tetor mes kryenegociatorëve Bislimi dhe Petkovic në Bruksel. 

(d.a/dosja.al)

Sondazh

Poll

MË SHUMË