Bota

‘Të vijojë dialogu Kosovë-Serbi’,pas takimit me Vuçiç,Scholz: Vendet e Ballkanit pjesë e BE

4 Maj 2022, 17:31 Nga DOSJA

‘Të vijojë dialogu Kosovë-Serbi’,pas takimit me

GJERMANI– Kancelari gjerman Olaf Scholz ka dalë në konferencë për shtyp pas takimit me presidentin serb Aleksandër Vuçiç ku ka theksuar se tema kryesore e diskutimit ishte vazhdimi i dialogut ndërmjet Beogradit dhe Prishtinës.

“Progresi në dialog është i një rëndësie të madhe. Kam biseduar me Vuçiçin se sa i rëndësishëm është dialogu. Të gjitha detyrimet e dakorduara duhet të respektohen”–tha Scholz.

Sipas mediave serbe, Scholz theksoi se Gjermania mbështet procesin e integrimit të vendeve të Ballkanit Perëndimor në BE dhe kërkoi që Serbia të vijojë të ndjekë prespektivën europiane.

“Është në interesin e Gjermanisë që të gjitha vendet e Ballkanit Perëndimor të jenë në Bashkimin Evropian. Ne mbështesim procesin e anëtarësimit të Serbisë në BE. Ajo perspektivë e Serbisë është diçka që duhet të ketë sukses, realiteti duhet të dalë nga kjo dhe dua që të jetë një premtim që do ta mbajmë” – tha Scholz.

Scholz foli edhe për qëndrimin e Gjermanisë dhe Serbisë ndaj luftës në Ukrainë.

“Mendoj se është e rëndësishme që të gjithë të dërgojmë të njëjtin mesazh në lidhje me luftën që Rusia po bën kundër Ukrainës. Është e rëndësishme që Serbia të qëndrojë në rrugën e zbatimit të reformave”– tha kancelari gjerman.

LAJMI KRYESOR/ Situata me targat dhe dialogu! Kancelari Scholz takohet sot me Kurtin dhe Vuçiç në Berlin

(d.a/dosja.al)

Aksidenti i rëndë në Tiranë, si mund të shmangen ngjarje të tilla?

View Results

rajoni rajoni kurti dhe vuçiç ne gjermani olaf scholz kurti dhe vuçiç ne gjermani olaf scholz