Aktualitet

PD pa kryetar! Publikohen kushtet dhe hapet aplikimi: Kandidaturat pranohen deri më 7 maj

3 Maj 2022, 13:40 Nga DOSJA

TIRANË– Hapet procesi i pranimit të kandidaturave për të gjithë ata që duan të bëhen pjesë e garës për kryetar të Partisë Demokratike, që ka mbetur pa një drejtues që prej dorëheqjes së Lulzim Bashës. Sipas njoftimit zyrtar të bërë nga Komisioni i Organizimit dhe Kontrollit të Operacioneve Elektorale, afati i paraqitjes së kandidaturave për Kryetarështë dita e shtunë, data 7 maj. Deri në orën 12:00, të gjithë ata që do garojnë duhet që të plotësojnë këto kushte: Kërkesë me shkrim, shfaqje interesi përkandidim; Curriculum Vitae; Formularin e plotësuar të pastërtisë së figurës.

Njoftim për media

Komisioni i Organizimit dhe Kontrollit të Operacioneve Elektorale. Në bazë të Statutit të PDSH dhe Vendimit Nr. 2 të Kuvendit Kombëtar të PDSH, të dt. 30 prill 2022, Komisioni i Organizimit dhe Kontrollit të Operacioneve Elektorale njofton: Afati i paraqitjes së kandidaturave për Kryetar të PDSH është dita e shtunë, datë 7 maj 2022, ora 12.00. Dokumentacioni dorëzohet pranë Komisionit Organizimit dhe Kontrollit të Operacioneve Elektorale në Partinë Demokratike dhe përban: 1. Kërkesë me shkrim, shfaqje interesi përkandidim; 2. Curriculum Vitae; 3. Formularin e plotësuar të pastërtisë së figurës.

Deri më tani, vetëm ish-kryeministri dhe lideri historik i Partisë Demokratike, Sali Berisha ka premtuar pjesëmarrjen në garë, por ende nuk e ka zyrtarizuar. Ndërsa deri më tani nuk ka asnjë emër tjetër që ka folur hapur për ambicjen për të garuar kundër Berishës. Ndërkohë që PD, që prej largimit të Bashës ka mbetur pa kryetar dhe është përfaqësuar nga Enkelejd Alibeaj, fillimisht si kryetar i komanduar dhe më pas si kryetar grupi. Por pas, Kuvendit të PD, ai nuk e mban më as postin e fundit.

(k.m/dosja.al)

Aksidenti i rëndë në Tiranë, si mund të shmangen ngjarje të tilla?

View Results

kryesore politike gara per kreun e pd gara per kreun e pd

Sondazh

Poll

MË SHUMË