Aktualitet

Butrinti në Kuvend, Rama sulmon PD: Kope, bëhet siç themi ne! Opozita kërkon ndëshkim

28 Prill 2022, 05:51 Nga DOSJA

Butrinti në Kuvend, Rama sulmon PD: Kope, bëhet siç themi ne!

TIRANË– Debati për Butrintin është transferuar në Kuvendin e Shqipërisë sot dhe ka sjellë përplasje të forta mes deputetëve të Opozitës Ina Zhupa, Edmond Spaho e Enkelejd Alibeaj dhe kryeministrit Edi Rama e ministres Elva Margariti. Fillimisht Zhupa ka kërkuar interpelancë me ministrin e Brendshëm, Bledi Çuçin. Zhupa kërkon që Çuçi të japë informacione dhe shpjegime ne seancë lidhur me arsyet e përjashtimit nga Komisioni Kombëtar për Azilin dhe Refugjatët të anëtarit përfaqesues të shoqërise civile, e në rastin konkret të përfaqësuesit te Komitetit Shqiptar të Helsinkit. Sipas deputetes në ligj është e përcaktuar përbërja e tij prej 7 anëtarësh, nder të cilët 5 përfaqësues te Ministrive, një përfaqësues i SHISH dhe një perfaqesues i shoqërisë civile, i cili në rastin konkret vinte nga Komiteti Shqiptar i Helsinkit. Mirëpo ajo thotë se përfaqësuesi i Komitetit Shqiptar të Helsinkit, është hequr nga përbërja e Komisionit, duke lënë vetëm 4 përfaqesuesit e Ministrive dhe një perfaqësues të SHISH. Ministri Çuçi tha se kanë dorëzuar shkresën zyrtarisht, por kanë mbetur pa përgjigje për tre muaj dhe për rrjedhojë Komisioni u ngrit me pesë anëtarë.

Më pas, debati u fokusua tek Butrinti. Sipas Zhupës, Butrinti do të jepet me koncesnsion me procedura sekrete dhe do të përdoret si biznes nga qeveria për të gjeneruar të ardhura. Sipas Zhupës, Butrinti është kthyer në një minierë ari për qeverinë dhe se pjesë e bordit do të jetë dhe një person i njohur për interesat që ka për të marrë qytetin antik që në vitin 1993. Margariti iu përgjigj duke thënë se Zhupa në fakt nuk e kishte vizituar kurrë Butrintin, ndërsa demokratja e ftoi t’i vëzhgonte profilin në Instagram. Më pas fjalën e mori kryeministri Edi Rama që lëshoi një ‘lum’ me ofendime ndaj Opozitës. Rama i konsideroi anëtarët e PD-së ‘një tufë me budallenj’. Kreu i Qeverisë tha se budalllallëkun ata e trashëgojnë brez pas brezi dhe ia ngjisin njëri-tjetrit. Sipas Ramës, nuk ka rëndësi nëse janë apo jo të ndarë si parti, pasi mendimet i kanë të njëjta. tha se Partia Demokratike nuk mund të flasë për Butrintin pasi në kohën që ka qeverisur vetë ka njohur edhe pronësine subjekteve fizike brenda tij.

Nga foltorja e Kuvendit, Rama tha se madje PD-ja kishte deklaruar se kishin gjetur paardhësin e njerëzve që e kishin ndërtuar Butrintin e i kishin dhënë të drejtë. Por, nuk mohoi që në Butrint do të ngriheshin biznese, madje shtoi se nuk ka asnjë mëkat të hapësh gjëra që do të jenë fitimprurëse për vetë Butrintin. Ramës iu përgjigj deputeti Edmond Spaho që e konsideroi kryeministrin njeri të ‘rrjedhur’ e me ‘kartel’. Por, kreut të qeverisë nuk i bëri përshtypje. Ai madje tha se këto i ka dëgjuar që nga koha e ish-kryeministrot Sali Berisha e nuk habitej nga akuzat në fjalë. Kreu i qeverisë rikujtoi kalanë e Lezhës dhe Teatrin Kombëtar për të cilat tha se PD-ja i ktheu në disko, ambiente ku bëheshin shiringa droge e bingo. Me Butrintin tha se do të bëhet siç do të vendosë PS-ja!

Pas ofendimeve, demorkatët Tritan Shehu e Enkelejd Alibeaj kërkuan që t’i tërhiqej vëmendja Ramës e të ndërpritej seanca. Ndërkohë që debatet kanë vijuar me pas me kryetaren e LSI-së, Monika Kryemadhin dhe ministret Elisa Spiropali dhe Bora Muzhaqi, ndërsa nuk kanë munguar as thumbat mes Enkelejd Alibeajt dhe ministrit Ulsi Manja lidhur me të persektuarit e Komunizimit. Ndërsa në fund, pas 10 orësh, zhvillime plenare, u miratuan dhe disa projektligje, mes tyre dhe huaja për rehabilitimin e Fierzës.

ZHVILLIMET ORË PAS ORE:

Kuvendi kalon me 79 vota pro kredinë 40 mln euro për rehabilitimin e Fierzës (VENDIMET)

“S’kishte fasho, ferr!”/Manastirliu reagon pas letrës së holandezit, DEBAT me Shehun

“Do ju heq rrogën”/ Lodhja? Socialistët thyejnë “urdhrin” e Ramës, as 20 deputetë në Kuvend

I ngatërroi mbiemrin, Balla i del në mbrojte Muzhaqit: Monikë, ata kanë luftuar për vendin

Komunizimi/DEBAT në Kuvend,Alibeaj ‘ngacmon’ Manjën: Ke qëndrim për Havzi Nelën? Ke këllqe?

Me ngjyra të çelta, ‘parada e deputeteve’ në Kuvend, Kryemadhi e Duma sjellin pranverën

Kryemadhi: Vëmendja më e madhe duhet të jetë te inceneratorët

Sherr me Muzhaqin e Spiropalin në Kuvend, Kryemadhi: Vajzat po bëhen eskorta për kriminelët

Balluku: Diferencimin na e kërkuan qytetarët, mbi 700 kilovat i kalon nevojat familjare

‘Tre petët e lakrorit’/ Kriza energjitike, Bushati: Raporti i ERE e tregon keqmenaxhimin

Ahmetaj: Në 2008 qeveria s’mori asnjë masë për krizën, ne gjetëm zgjidhje me paketën