Bota

Tspiras rikujton ‘Marrëveshjen e Prespës’, fton Zaevin në konferencën e SYRIZA-s

13 Prill 2022, 17:01 Nga DOSJA

Tspiras rikujton ‘Marrëveshjen e Prespës’, fton Zaevin

GREQI- Ish-kryeministri grek, Aleksis Tspiras i rikthehet Marrëveshjes së Prespës, duke shfrytëzuar praninë e ish-kryeministrit maqedonas, Zoran Zaevit në konferencën e tretë të SYRIZA-Aleanca progresive që nis nesër me fjalimin e presidentit.

Sipas CNN Greece, kreu i opozitës zyrtare do të ketë rastin të rikujtojë qëndrimin e kryeministrit aktual ndaj marrëveshjes me fqinjët veriorë dhe lindjen e Maqedonisë së Veriut, por edhe të pyesë në mënyrë retorike për votimin e memorandumeve. Zaev pritet të mbajë një fjalim para trupit të konferencës të premten pasdite.

Në të njëjtën kohë, hapja e Tsipras ndaj socialdemokratëve do të konfirmohet edhe nga përshëndetja që do t’i dërgohet me video-mesazh kryeministrit të Portugalisë, Antonio Costa, si dhe kreut të Partisë Demokratike të Italisë dhe ish-kryeministrit, Enrico Letta.

Përveç fjalimeve të pjesëmarrësve, gjatë konferencës do të organizohen edhe tabela tematike në të cilat do të marrin pjesë edhe krerët kompetentë të SYRIZA-Aleancës Progresive.

Duke folur portalin grek ieidiseis.gr pak para mbërritjes në Athinë, Zaev ka theksuar se për Marrëveshjen e Prespës, problemin e ka kthyer në zgjidhje. Ai vlerësoi se bashkëpunimi mes dy vendeve është në nivel shumë të lartë, duke theksuar se “progresi është i dukshëm” dhe se nuk ka asnjë vonesë apo kthim prapa.

“Ne pamë kryeministrat Kovacevski dhe Mitsotakis në Delphi në një takim të përbashkët miqësor, konstruktiv. Jam i bindur se qytetarët dhe forcat politike që duan miqësi dhe bashkëpunim në vend të izolimit dhe konfliktit janë shumë më tepër se ata që nuk i duan këto”, tha Zaef.

Ish-kryeministri i Maqedonisë së Veriut, duke iu përgjigjur pyetjes nëse “Marrëveshja e Prespës” është e suksesshme, theksoi: Para 2018 kemi qenë fqinjë që nuk flisnim dhe nuk dëgjonim njëri-tjetrin, me një qëndrim armiqësor mes nesh. Tani jemi fqinj, së bashku në NATO, me shumë më tepër mbështetje dhe bashkëpunim se më parë. Greqia më në fund nuk e ka problem me faktin se ne jemi maqedonas nga Maqedonia e Veriut.

Katër vite më parë u nënshkrua marrëveshja e Prespës midis Maqedonisë së Veriut dhe Greqisë, duke mbyllur kontestin e më shumë se dy dekadave mes dy vendeve fqinje për çështjen e emrit ku si përfundim vendi fqinj u emërua Maqedonia e Veriut.

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

rajoni rajoni aleksis tsipras marreveshja e prespes zoran zaev aleksis tsipras marreveshja e prespes zoran zaev