Aktualitet

Emri i Fan Nolit jetësohet në New York, rruga në Bronks titullohet sipas ish-diplomatit

9 Prill 2022, 21:44 Nga DOSJA
Emri i Fan Nolit jetësohet në New York, rruga në Bronks

SHBA- Emri i diplomatit dhe ish-ministrit të jashtëm Fan Noli i është vendosur një rruge në lagjen e Bronksit në Neë York City. këtë gjë e ka bërë të ditur gazeta Dielli me anë të një postimi në Facebook. Në postim shkruhet se Fan Noli është padyshim një figurë historike dhe e paharrueshme në vendin tonë. Ndërkohë që të bashkangjitura në postim janë edhe disa foto nga rruga që i është vendosur emri i Fan Nolit.

Postimi i Plotë:

Emri i Fan Nolit jetësohet në Bronx/ “Sot është një ditë e shënuar për kombin shqiptar. At Fan Noli, një prej Shqiptarëve më të mëdhenj të shekullit të kaluar përjetësohet me emrin e një rruge në Neë York. Sot për çdo shqiptar është një ditë e pa harruar, një ditë lavdie e krenarie kombëtare e shtetërore. Një ditë e madhe që do mbesë historike në memorien tonë si komb e si mërgatë në Shtetet e Bashkuara të Amerikës. Shërbimi i At Fan Nolit ndaj popullit, e shtetit e kombit të tij është gjeniale.

At Fan Noli përktheu në shqip shërbesat e Kishës Ortodokse, përktheu kryevepra të letërsisë botërore, shkroi poezi politike, ishte klerik, themelues i Kishës Ortodokse Shqiptare në SHBA, deputet dhe Kryeministër i Shqipërisë në të njëjtën kohë, drejtues i Diellit e themelues i Vatrës, një figurë e padiskutueshme poliedrike e kombit shqiptar. Kjo ditë e shenjtë përkon me 110 vjetorin e Vatrës. At Fan Noli ishte një përkthyes i pashoq, erudit i rrallë, një filozof i mprehtë, poet i zjarrtë, historian i konfirmuar, politikan i shquar dhe një fetar i bekuar. Fan Noli ia kushtoi jetën Zotit dhe kombit të tij. Askush si ai nuk u investua për të mirën e popullit, shtetit e kombit shqiptar. Lavdi përjetë veprës dhe kujtimit të At Fan Nolit” – Elmi Berisha

(I.A/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet fan noli fan noli

Sondazh

Poll

MË SHUMË