Aktualitet

Të shtëna në SHBA/ Polici shqiptar qëllohet me armë zjarri, përfundon në spital

9 Prill 2022, 06:07 Nga DOSJA

SHBA– Ervis Onuzi, polici me origjinë shqiptare i cili punon në Departamentin e Philadelfias në SHBA, është qëlluar me armë zjarri në bark e për pasojë ka përfunduar në spital. Sipas mediave, 28-vjeçari u plagos kur policia po shkëmbente zjarr me disa persona. Onuzi u qëllua të paktën një herë në bark. Ai u dërgua me urgjencë në Spitalin Universitar Temple ku iu nënshtrua një operacioni.

Oficerët gjetën dy gra, të moshës 42 dhe 57 vjeç, me plagë me armë zjarri në rrugët Arrott dhe Griscom, tha policia. Besohet se dy gratë u goditën nga plumbat si pasojë e shkëmbimit të zjarrit. Nuk dihet ende arsyeja konkrete e ngjarjes së rëndë, ndërsa 28-vjeçari shqiptar, i cili prej 3 vitesh shërbente në SEPTA, ndodhet në Spitalin Universitar Temple nën kujdesin e mjekëve.

Policia tha se personi i armatosur, i cili nuk është identifikuar u gjet i vdekur brenda shtëpisë së tij.

Pamjet nga vendi i ngjarjes të siguruara nga The Inquirer tregon Onuzin të strukur kur shpërthejnë të shtënat me armë.

Komisioneri i Policisë së Filadelfias Danielle lëshoi një deklaratë për oficerin Onuzi:

“Jam përtej mirënjohjes që oficeri i guximshëm i policisë SEPTA do të shërohet fizikisht nga sulmi i mbrëmshëm. Ndërsa shpresoj se nuk duhet të marrim kurrë atë rruge per ne spital. Gjithmonë ka një ndjenjë gëzimi kur mund të ndajmë lajmin se kolegu ynë do t’ia dalë. Zoti i bekoftë të gjithë oficerët tanë trima.”

(a.b)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet diaspora ervis onuzi plagoset ervis onuzi shba ervis onuzi plagoset ervis onuzi shba