Aktualitet

Shkolla e “luksit” në periferi të Tiranës, mësuesja shpjegon për klasën me vetëm një nxënës

6 Prill 2022, 20:17 Nga DOSJA
Shkolla e “luksit” në periferi të Tiranës,

TIRANË– 17 km larg Tiranës, ndodhet një nga institucionet arsimore më të pazakonta. Kjo ngjan si një shtëpizë e braktisur, dhe ashtu është, veçse një dhomë e kësaj godine është kthyer në shkollën e fshatit Kodër Shupalë. Në banesën njëkatëshe të transformuar në klasë janë të regjistruar vetëm 3 nxënës të fillores me një mësues.

“Stela Aldjoni dhe unë”, shprehet nxënësi Seldi Luka. Mirëpo, procesin mësimor më rregullisht e ndjek Seldi. Profesori: Jam në mësim… dilni .

–Me një nxënës?

Në dukje Seldi është me fat sepse dëgjon vetëm për vete shpjegimin e profesorit. Mirëpo ky luks nuk shton cilësinë e mësimit.

“Unë jam në klasë të tretë, edhe Helidjoni, ndërsa Stela në klasë të katërt. Bëjmë mësim të gjitha klasat bashkë”, shprehet Seldi.

Klasat e bashkuara për shkak të numrit të ulët të nxënësve e vështirësojnë marrjen e njohurive, Seldi është në klasë të 3 per vitin e dytë rresht.

“Me urdhër të mësuesit, ai do ishte në klasë të katërt por e përsëriti e në klasë të tretë prapë”, shprehet babai i Seldit

Shkolla është në kufijtë e varfërisë. I vetmi luks, edhe ky i tepërt, është sistemi i kamerave te sigurisë.

“Nuk kanë banjo. Vijnë në shtëpi për nevojat personale. Shkolla është e ardhmja, ne mundohemi tju japim një çik shkollë, por kushte të vështira“, shprehet një tjetër. Vit pas viti numri i nxënësve ulet ndjeshëm, ku këtë vit shkollor ka një mungesë prej 8 000 fëmijësh në shkollat 9-vjeçare krahasuar me vjet, aq sa nuk plotësohet kriteri bazë: 10 nxënës për formimin e klasave në zonat rurale.

Shifrat në rënie të lirë të numrit të nxënësve, janë të njëjtat sipas INSTAT, ne shkalle kombëtare. Por numri mund të jetë edhe më i lartë pasi ka nxënës që regjistrohen por nuk ndjekin në vazhdimësi mësimin. Si vëllai i Seldit, Besardi i cili është në vit të parë, por gjimnazi ndodhet në Zallbastar dhe 16 vjeçari e ka braktisur mësimin prej 3 muajsh.

“Kam vështirësi se kam mangësi edhe nga 9-vjeçarja. Ky është fati im. Po kushtet ekonomike skam çtë bëj…“.

Marrë nga Top Channel

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet bashkia e tiranes shkolla ne tirane bashkia e tiranes shkolla ne tirane

Sondazh

Poll

MË SHUMË