Bota

“E vizatoi me të zeza” si u mundua të jepte mesazhet përmes pikturës 9-vjeçarja në Greqi

31 Mars 2022, 11:22 Nga DOSJA

“E vizatoi me të zeza” si u mundua të jepte mesazhet

GREQI– Psikologia e fëmijëve Christina Bogiatzis foli për pikturat e Georginës së vogël, fëmijës së fundit të familjes Daskalaki që u nda nga jeta në mënyrë të mistershme.

Sipas Protothema, Bogiatzis kishte analizuar më parë pikturat dhe kishte postuar interpretimin e saj në rrjetet sociale. Ky fakt kishte shkaktuar zemërimin e mamasë së saj, Roula Pispirigou, e cila po atë natë kontaktoi psikologen e fëmijëve, i kërkoi të fshinte postimin dhe t’i kërkonte falje.

“Fjala është për dy piktura, një me zemër dhe një në të cilën fëmija bën lëkundje, të cilat kanë një koherencë të brendshme, domethënë në të dyja pikturat shohim frikë, shohim një fëmijë, i cili largohet nga ajo që jeton.“- tha Bogiatzis.

Pema në një nga pikturat e Georgina përshkruan trekëmbëshin. Fotografia me zemër përshkruan dy figura. Në të djathtë është një zog-engjëll që sipas psikologes është Irisi dhe në të majtë, siç pretendon ajo, Roula Pispirigou.

“Kjo shihet nga dora që ka në mes, lëvizje që zakonisht nënat e bëjnë kur bërtasin”, tha psikologia e fëmijëve.

Zonja Bogiatzis shpjegoi një tjetër arsye pse duket se figura e majtë e pikturës me zemër, është nëna.

“Asnjë fëmijë nuk e lyen nënën me kokë të zezë. Ai mund ta lyejë me gojën e zezë kur ajo bërtet, por kurrë me kokë të zezë. Koka e zezë tregon frikën, dominimin, vdekjen . “-vijoi psikologia.

Ndërkohë, pak pasi 33-vjeçarja u arrestua për vrasjen e 9-vjeçares Georgina, psikologia e fëmijëve bëri një postim tronditës për nënën e tre fëmijëve. Duke postuar analizën e saj në mediat sociale në fillim të këtij muaji, Bogiatzis argumentoi se nuk është e mundur që një fëmijë ta pikturojë nënën e tij si engjëll kur është gjallë.

Një element akoma më i fortë në analizën e pikturës së vogëlushes është “dedikimi” i saj, i cili nuk i drejtohet nënës së saj, ndonëse ishte bërë për ditëlindjen e saj dhe ishte një dhuratë nga vogëlushja për të. Piktura e Georginës titullohet “Për ty”, pra i dedikohet atyre që mund të kuptonin “mesazhet” e saj sekrete dhe ta ndihmonin, për ta shpëtuar nga rreziku që ndjente se i drejtohej. Ndërkohë babai i saj nuk ishte prezent në asnjë element të pikturës së 9-vjeçares.

Interpretimi i pikturës

Sipas Bogiatzis, në pikturën e Georginës transmetohen disa mesazhe, pozicioni i një fëmije në krevat në ngjyrë blu tregon se ndihet e pasigurt. Lëkundja tregon se ajo mbetet fëmijë, është dinamike dhe i pëlqen të luajë. Forma e pemës tregon se ajo ndjehet në rrezik por nuk mund ta shprehë me fjalë. Ngjyra e verdhë tregon pozicionin e saj dhe aftësinë për të lëvizur dhe parë nga një kënd tjetër.

LAJMI KRYESOR/ Nëna monstër, si helmoi 3 vajzat e saj me ketaminë!Tentativa e 9-vjeçares për ndihmë

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

rajoni rajoni christina bogiatzis christina bogiatzis